| Estefania Etxebeste | |
|---|---|
 | |
| Bizitza | |
| Jaiotza | Ituren, 2002koazaroaren 27a (22 urte) |
| Herrialdea |  Nafarroa Garaia,Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | Harri-jasotzea |
| Izengoitia(k) | Estefi |
Estefania Etxebeste Giraldo (Ituren,Nafarroa Garaia,2002koazaroaren 27a),Estefi,harri-jasotzailea da.[1] Nafarroako lehen emakume harri-jasotzailea da eta 2024an, oraindik, bakarra.[2]
2024anEuskal Herriko txapelketan bigarren egin zuen.[3]
Estefania Iturengo Pioinean jaio zen. Lau anaia-arreben artean hirugarrena (Cristofer eta William neba zaharrenakKolonbian jaio ziren eta bera eta Shaila ahizpa txikiagoa Iturenen). Ama,Yamiled Giraldo, berak sei urte eta ahizpa txikiak urtebete baino ez zituenean hil zuten, 2009ko apirilaren 25ean, 14 urteko neba Cristofer-en aurrean.[4]
Zaletasuna ez datorkio etxetik, familian ez dago inor herri kirol munduan ibili denik, baina Estefaniari beti gustatu zaizkio herri kirolak: Iturengo lagunekin erakustaldiak, apustuak eta saioak ikustera joaten zen. Lagunengandik datorkio nolabait zaletasuna. Betidanik izan da emakume indartsua, baina ez zekien zein izango zen berari ondo etorriko zitzaion kirola eta harria probatu zuen. Izan ere, Daniel Vicenteren bitartezJoseba Ostolaza ezagutu zuen, 2023ko urrian, lagunei esker, Josebaren eskolara joan zen harria probatzera eta lehenengo egunetik zaletu zen.
Estefaniak aitortzen du indarra ez dela gauzarik garrantzitsuena, teknikak ere asko laguntzen duela. Harri handiak nahiago ditu. Bera handia denez eta, indar asko daukanez, hobeto moldatzen delako..
Jendeak erraten zidan ez nintzela inora ailegatuko, harri mundua ez dela jokoa eta niri horrek indar gehiago ematen zidan egiteko
Jokin Eizmendi zarauztar harri-jasotzailea da bere erreferenteetariko bat, baitaUdane Ostolaza ere.Oriora joaten da astelehen eta ostegunetan Joseba Ostolazaren Harri Eskolan entrenatzera. Etxean ere beti zerbait egitea gustatzen zaio.
2023ko urrian, hasi zen harri altxatzen Estefania eta jendaurrean egiten dituen altxaldi guztiak ama zenari eta osabari eskaintzen dizkie.[2]
2024anEuskal Herriko txapelketan bigarren egin zuen,Ainitze Zumetaren atzetik.
2025ean, irabazi zuen lehen Kirol Herria txapelketa, aizkora eta harri altxatzea konbinatu dituen txapelketako finalean.[5][6] Udan, abuztuaren 9an, marka berria ezarri zuen 100 kiloko harri zilindrikoari 59 altxaldi emanda, bosna minutuko bi kintzetan.Idoia Etxeberriak zuen 2014an 57 altxaldiko marka hobetzea lortu zuen.[7][8]
| Autoritate kontrola |
|
|---|
Datuak:Q129254476