Dream Team (euskarazAmetsetako Taldea)1992ko Bartzelonako Udako Olinpiar Jokoetakosaskibaloi txapelketanAEBak ordezkatzekoNBAko izarrez osatutako taldea izan zen. Askorentzat, bai saskibali zaletu nahiz kirol esatarientzat, inoizko saskibaloi talde onena izan da, izan ere,1980ko hamarkadan bigarren erdialdeko eta1990eko hamarkadaren lehen urteetako NBAko jokalari onenak osatu zuten, alegia, munduko saskibaloi jokalari onenak zirenak, tarteanMagic Johnson,Larry Bird,Michael Jordan,Charles Barkley,Scottie Pippen,Karl Malone,John Stockton eta abar. SelekzionatzaileaDetroit Pistons taldekoChuck Daly entrenatzaile beteranoa izan zen.
Talde hau osatzeko zeuden NBAko izar hautagaitza edo aukera oso zabala zenez, gaur egun kondaira edo izen mitikoak diren haietako asko kanpoan gelditu zirela, adibidez,Dominique Wilkins,Isiah Thomas, oso gaztea zenShaquille O'Neal,Mark Aguirre eta beste ugari ere, aldiz beste batzuk urte gutxigatik erretiroa hartua zuten,Kareem Abdul-Jabbar etaJulius Erving kasu.
Ordurarte AEBtako sasbilaloi selekzioaren nagusitasuna erabatekoa izan zen, gainontzeko munduko selekzioei nahieran eta puntu kopuru erraldoeiengatik irabaziz,1988. talde hauNCAA ligako jokalari unibertsitario profesionalez bakarrik osatua zegoen, NBAko jokalariei partaidetza galeraziz. Baina1984tik aurrera AEBen nagusituna kinkan jartzen hasi zen, batez ereSobietar Batasuneko saskibaloi selekzio nazionalak (Sabonis,Kurtinaitis,Tkatxenko etaMarčiulionis)1984ko Udako Olinpiar Jokoetan urrezko domina irabazi etaJugoslaviako saskibaloi selekzio nazionala bikaina (Petrović,Divac,Radja,Kukoč,Perasović etaDanilović) AEBen mailara iritsi eta estatubatuarren nagusitasuna eztabaidan jarri baizuten. Hori,1988ko Udako Olinpiar Jokoetan Sobietar Batasunak urrezko domina eta Jugoslaviak zilarrezko domina lortu eta AEBetako selekzioa brontzezko dominarekin konformatu beharren aurkitu zenean frogatu zen.
Baina 1992ko Udako Olinpiar JokoetarakoFIBA nazioarteko federazioak ordurarteko araua aldatu etaNBAko jokalariei AEBetako selekzioan parte hartzea baimendu zien. Honek, berriro ere AEBtei bere saskibaloi nagusitasuna berreskuratzeko atea zabaldu zion, garai hartan NBAko estatubatuar jokalariak munduko gainontzeko jokalariekin alderatuz gero beste galaxia batekoak zirela baizirudien.
Aurreiragarpenek ez zuten hutsik egin, eta Dream Team taldeak 1992ko Udako Olinpiar Jokoetan paseotxo bat balitz bezala gainontzeko selekzioei nahieran eta puntu kopuru handiak lortuz irabazi eta urrezko domina aisa bereganatu zuten. Finalean estatubatuarrei itzal piskat egin ziezaioken eta NBAko zenbait izar zituen (Petrović, Kukoč, Divac eta Radja) Jugoslaviako selekzioarekin lehiatu zen, baina estatubatuarrek jugoslaviarrak 117-85 eta 24 puntuko aldeaz erraz gainditu zituzten.
Dream Team taldea osatzeko jokalari kopuru mugatua eta NBAko izarren artean hautagai kopuru zabala zela eta, azkenean taldea osatu zutenen hautaketaren inguruan nolabaiteko polemika eta hika-mikak egon ziren.
Adibidez,Isiah Thomas, garaiko joko antzolatzaile onenetokoa zena,Detroit Pistons taldearenNBAko liga birritan irabazi zuen jokalaria Dream Team taldean ez egoteak AEBtako saskibaloi zaletuen artean hautsa ugari harrotu zuen.1980ko hamarkadaren bigarren erdialdeanLos Angeles Lakers etaBoston Celtics taldeen lehia mitiko eta estuen artean oinarrituz sartu zen Detroit Pistons taldekoBad Boys (Mutil Gaiztoak) taldeko kidea izan zen,Bill Laimbeer,Joe Dumars,Rick Mahorn,John Salley,James Edwards,Vinnie Johnson,Dennis Rodman etaMark Aguirrerekin batera. Euren joko fisiko eta maiz defentsa bortitzari esker Los Angeles Lakers eta Boston Celtics taldeek garaitzea oso zail izan zuten taldea bilakatu zen, hain zuzen ere, batzuen ustez Detroit Pistonsen joko oldarkor horrek etaChicago Bulls taldearen aurka Jordani burututako defentsa oldarkorregiak Isiah Thomas Dream Team taldean aukeratu ez izanaren arrazoietako bat izango omen litzateke.
Bestalde,Christian Laettner jokalaria Dream Team taldeko jokalaria izateko adina maila ote zuen zalantzan jarri zen, askok Dream Team taldeko bi heren afroamerikarrak izatean beste jokalari zuri bat sartzeak hori orekatzeko azpijokotzat jo zuten. Polemika are eta gehiago auspotu zen, Laerttner etaShaquille O'Neal gaztearen artean hautatzeko zalantzan egon zirela jakin zenean, izan ere, Laerttner jokalaria ona izanik ere, gerora ez zuen NBAan haregandik espero zen mailarik eman, aldiz, O'Neall NBAko historiako jokalari onenetakoa izatera iritsi zen.
Dream Team taldea osatzeko aukeraketako hautagaiak izan ziren beste jokalari batzukHarold Miner,Jimmy Jackson etaAlonzo Mourning izan ziren.
| 1992ko AEBtako saskibaloi selekzioa,Dream Team | ||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Jokalariak | Entrenatzailea | |||||||||||||||||||||||||||||||||||||||||||||||||||||||||||||||||||||||||||||||||||||||||||
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||
| Autoritate kontrola |
|
|---|
