Movatterモバイル変換

[0]ホーム
URL:

Edukira joan
WikipediaEntziklopedia askea
Bilatu

Bera

Koordenatuak:43°16′42″N1°40′57″W / 43.278333333333°N 1.6825°W /43.278333333333; -1.6825
Wikipedia, Entziklopedia askea
Bera
 Nafarroa Garaia,Euskal Herria
Berako elizaren inguruak, hegoaldetik ikusita
Berako bandera
Bandera

Berako armarria
Armarria

Map
Kokapena
Herrialdea Euskal Herria
Lurraldea Nafarroa Garaia
Merindadea Iruñea
EskualdeaBortziriak
Administrazioa
Estatua Espainia
Erkidegoa Nafarroa
Izen ofiziala Bera
AlkateaJosu Iratzoki Agirre (EH Bildu)
Posta kodea31780
INE kodea31250
Herritarraberatar
Geografia
Koordenatuak43°16′42″N1°40′57″W / 43.278333333333°N 1.6825°W /43.278333333333; -1.6825
Azalera35,6 km²
Garaiera56 metro
Distantzia68 km (Iruñetik)
Demografia
Biztanleria3.779 (2025:  16)
alt_left 1.906 (%50,4)(2019) (%48,4) 1.830 alt_right
Dentsitatea105,14 bizt/km²
Zahartzea[1]% 19,47
Ugalkortasuna[1]‰ 68,59
Ekonomia
Jarduera[1]% 84,12(2011)
Desberdintasuna[1]% 5,72(2011)
Langabezia[1]% 7,58(2013)
Euskara
Euskaldunak[2]% 66.6 + % 13.2 hartzaile(2021)
Kaleko erabilera[3]% 
Datu gehigarriak
Sorrera1402an eskubideak jaso
Webguneahttp://www.bera.eus

Bera[4]Nafarroa Garaiko iparraldekoudalerri bat da,Bortzirietako ibarrekoa, Baztan Bidasoa eskualdekoa.Bidasoa ibaiaren ertzean dago,Lapurdirekiko etaGipuzkoarekiko mugan,itsas mailatik 56 metro gorago. 35,6kilometro koadro ditu, eta 3.763 biztanle zituen 2017ko erroldan. Nafarroako hiriburuIruñea 68 kilometro hegoaldera du,Irun 15 km-tara,Donibane Lohizune 25 km-tara eta Donostia 35 km-tara.

2009az geroztik,UEMA udalerri euskaldunen mankomunitateko partaide da.

Etimologia

[aldatu |aldatu iturburu kodea]

Euskaltzaindiak herriaren izena dokumentazio zaharrean nola heldu den aztertu zuen.Jose Maria Jimeno Jurio aritu zen dokumentu zaharrak aztertzen eta honako agerpen hauek aurkitu zituen:

  • Bera (1366)
  • Tierra de Bera (1565,1566)
  • Bera de la montaña de Navarra (1622)
  • Bera del Reino de Navarra (1622)

Mugalarreak direla-eta, Sara eta Berako udalen arteko gutunetan forma hauek ageri dira:

  • Bera (1827)
  • Vera (1827)

Hartara, datu horiek ikusirik, Euskaltzaindiakeuskara baturakoBera izena onartu zuen.

Vera de Bidasoa1916kouztailaren 27ko errege dekretuaren bidez ezarri zuten. Hala ere, udaleko akta liburuetan behin agertu zen1918an, eta1924 arte ez zen berriz agertu.

Berako Udalak izen ofizialtzatBera erabiltzea erabaki zuen1989an.

Bera izenaren esanahi etimologikoari dagokionez, bi teoria nagusi daude: lehenengoaktoponimo horieuskaratik datorrela erraten du; bigarrenak, jatorri erromantzea duela.

Koldo Mitxelenak dioenez, izena euskarazkobehera edobehere hitzetatik bide dator. Hitz horrek euskal toponimo aunitz osatzen ditu. Datu bitxia da Bera dela Nafarroako udalerri baxuena; hau da, garaiera ttikiena duena. Baina kontuan izan behar daNafarroako Foru Erkidegoak gaur egun dituen mugak etaNafarroako Erresumak garai batean izan zituenak ez datozela bat, asko aldatu direla. Erraterako, XIX. mendearen hasieran ondoko bi udalerri, Irun eta Hondarribia (gaur egun Gipuzkoan kokatuak), Nafarroaren zati izan ziren hiru urtez.

Bertze eskola batek gaztelaniazkovera (ur-bazterra) hitzetik zetorrela uste du, preseski herriaren kokalekua aipatzen duela,Bidasoaren bazterrean.Joan Coromines filologoak uste zuen horixe zela Bera izenaren jatorria. Gainera, uste zuenVera izena zuten Espainiako herri guztiak ibai bazterretan kokatuak zeudela etaerromatar hiriak izan zirela.

Julio Caro Baroja filologo eta antropologoak Berako herriarekin lotura handia izan zuen, eta toponimoa aztertzean zalantza zuen eabehere hitzetik zetorren herriaren izenaren jatorria. Nolanahi ere, aukera hori ez zuen baztertzen. Caro Barojak bertze balizko jatorri bat eman zuen, errateanBeraErdi Aroan pertsona izena zela, eta Erdi Aroko bertze euskal pertsona-izen bat bazela,Beraxa, hainbat toponimotan ageri dena (Barasoain,Beasain,Orexa).

Patxi Salaberri Zaratiegik, berriz, pentsatzen du erromatar pertsona izen bat egon daitekeela oinarrian. Haren iritziz,Verus pertsona-izenetik abiatuta, agian honako eboluzio hau gertatuko zen: *(villa) verana > *Berâa > *Beraa > Bera.[5]

Geografia

[aldatu |aldatu iturburu kodea]
Bidasoa, eskuinaldean Bera duela, San Mikel zubitik ikusita.

Bortzirietako hiri nagusia da.

Map
Bera horiz, Bortzirien artean.


Klima

[aldatu |aldatu iturburu kodea]

Klima atlantikoa du Berak: hezea, euri ugarirekin, tenperatura epelak urte sasoi guzietan, aldaera ttikiak dituela. Batez bertzeko tenperatura 14-15 gradukoa da, prezipitazio handiekin, urtean 170 egunez egiten baitueuria (1.600 eta 1.800mm bitartean).

Beran, itsasoaren mailatik 50 metrora,Nafarroako gobernuaren jabetzako estazio meteorologikoa dago.[6]

Mugakideak

[aldatu |aldatu iturburu kodea]

IparraldeanBiriatu,Azkaine etaUrruñarekin egiten du muga; ekialdeanSararekin; hegoaldeanEtxalarrekin; eta mendebaldeanLesaka etaIrunekin.

Auzoak

[aldatu |aldatu iturburu kodea]
Jaun de Altzate plaza,Altzate auzoan.

Hauek dira herriko auzo nagusiak, alfabetoaren hurrenkeran:

Herrigunean:

Landa-eremuan:

Landaredia

[aldatu |aldatu iturburu kodea]

Herriaren inguruko hariztiak aspaldi galdu ziren, artzain, ikazkin eta zuhaitzen mozketengatik.XIX. mendearen amaieran, inguruko herri askotan bezala,Japoniatik ekarritakolarizio pinuak (Pinus nigra) etaharitz gorriak birlandatu ziren. Birlandatutako basoen azalera 1.200 hektareakoa da gaur egun.

Larrun

[aldatu |aldatu iturburu kodea]

Larrun mendia Bera hegoaldean kokatzen da, herria kaskora igotzeko abiapuntua izaki. 905 metrotako altuera du.

Historia

[aldatu |aldatu iturburu kodea]
Daniel Cadoux kapitainaren oroitarria, San Mikel zubian. 1813an hil zirenWellingtongo dukearen ingeles soldaduetako bat zen.
  • Argaitzeko harrobia (1936)

Demografia

[aldatu |aldatu iturburu kodea]

XX. mendearen lehen hamarkadetan biztanle kopuruari maila bertsuan eutsi ondoren, 1930eko hamarkadatik aurrera 20 urtez biztanleak galdu zituen Berak. 1970eko hamarkadan, berriz, hazkunde nabarmena gertatu zen, eta hamar urtean % 30 inguru hazi zen populazioa. Beste 30 urtez egonkor mantendu ondoren, XXI. mendearen lehen hamarkadan beste hazkunde txiki bat gertatu da.

Biztanleriaren tamainaUrtea240027003000330036003900189019201950198020102040BeraBiztanleriaren estatistikaHonako hau Wikidata bidez sortutako biztanleria grafiko automatiko bat da. Aldaketa bat egin beharrez gero,bertan egin dezakezu.

2008koerroldan jasota dagoenez, Espainiaz kanpoko 215 etorkin bizi ziren herrian, biztanleriaren % 5,84 (Nafarroako Foru Erkidegoko batezbestekoaren azpitik).

Politika

[aldatu |aldatu iturburu kodea]
Herriko etxea

2015eko udal hauteskundeak

[aldatu |aldatu iturburu kodea]

2015eko udal hauteskundeetanEuskal Herria Bildu koalizioak gehiengo osoa eskuratu zuen, sei zinegotzi guztira. Herrirako plataformak lau lortu zituen, etaUPN alderdiak bat.

Berako udalbatza
Alderdia2015eko maiatzaren 24a
ZinegotziakBoto kopurua
Euskal Herria Bildu
6 / 11
952 (% 52,11)
Herrirako
4 / 11
583 (% 31,91)
Nafar Herriaren Batasuna (UPN)
1 / 11
166 (% 9,09)
Datuen iturria:Hauteskundeen emaitzak interior.es webgunean

Aurreko udal hauteskundeak

[aldatu |aldatu iturburu kodea]

Berako alkatetzatEusko Abertzale Ekintza alderdiko Iosu Iratzoki Agirre atera zen2007ko udal hauteskundeetan. Udaleko hamaika zinegotzietatik lau lortu zituenezker abertzalearen zerrendak. Botoa baliogabeak 75 izan ziren (emandako guztien %3,82), eta boto zuriak 125 (botoen %6,63). Abstentzioa, berriz, %34,72 izan zen.

Berako Udala (2007)
AlderdiaBotoakZinegotziak
EAE5964
EA4853
EAJ3662
Aralar3142

2011nBildu (4 zinegotzi) izan zen bozkatuena. Hala ere, Marisol Taberna (Aralar) aukeratu zuten alkate, bere alderdiaren (4) etaEAJren (2) botoekin; Beran ez zenNaBai 2011ren zerrenda bateraturik izan.UPNk hautetsi bakarra lortu zuen, etaPPk bat ere ez.

Berako Udala (2011)
AlderdiaBotoakZinegotziak
Bildu6124
Aralar5524
EAJ3132
UPN1721
PP1270

Udaletxea

[aldatu |aldatu iturburu kodea]

Udaletxea1774 eta1776 urteen artean eraiki zen estilobarrokoan. Hiru zatitan banaturiko eraikin handi eta sendoa da. Beheko solairuan, sei arkudun ataria dago, alboetan harlanduen bidez estalduraraino iristen direnak. Eraikineko beste bi zatiek, simetria gordetzen dute eta margozturiko dinteldun hutsalez osaturik daude. Udala alkatea eta hamar zinegotzik osatzen dute.

  • HELBIDEA: Herriko Etxea Plaza, 1

Alkateen zerrenda

[aldatu |aldatu iturburu kodea]
1999-2003Josu Goia EtxeberriaEuskal Herritarrok
2003-2007Helena Santesteban GelbentzuEA
2007-2011Josu Iratzoki AgirreEAE
2011-2015Marisol Taberna IratzokiAralar
2015-2019Josu Iratzoki AgirreEH Bildu
2019-Aitor Elexpuru EgañaEH Bildu

Eraikinak

[aldatu |aldatu iturburu kodea]
  • Itzea, Barojatarren etxea, Xantel errekaren ertzean.
    Itzea, Baroja sendiaren bizilekua, auzoari izena ematen dion etxea. XVII. mendearen azkenaldian eraikia, egurrezko hegatzeko taila ikusgarria du. Hegatzak pizkunde garaiko estiloa du, XVI. eta XVII. mendeetan Nafarroan eta Aragoiko etxe eta jauregietan ohikoa den estilokoa. 1912an erosi zuen Baroja familiak. Etxearen ondoko zelai bateanJorge OteizakPio Barojaren omenez egindako oroitarria dago.
  • Herriko Etxea. Estilo neoklasikokoa, 1776an eraikia. 1983an, fatxada berritzean, pintura aztarnak agertu ziren, eta horietan oinarrituta, Julio Caro Barojak marrazkiak egin zituen eta Juan Ignacio Larramendi margolari beratarrak pintatu zituen.
  • San Esteban eliza udaletxetik.
    San Esteban eliza. Defentsarako erabilitako dorretxe gotiko bat zen oinarrian. XVI. mendetik aitzinera eliza gisa erabili zen, eta 1632. urte aldera berritu eta handitu zuten. Gurutze latindarreko oinplanoa du eta gurutze-ganga nabarmenak ditu. Erretaula nagusia neoklasikoa da, XIX. mendekoa. Organoa da artelanik garrantzitsuena.Aquilino Amezuak egina, 1895ean, Nafarroako organo erromantiko onenetakoa da.Nafarroako Gobernuak Interes Kulturaleko Ondasun izendatu zuen.
  • Donfelipebaita. XVIII. mendeko arkitekturaren eredu bat da, gerora elementu gehiago erantsi bazaizkio ere. Hegoaldera ematen duen bortz arkuko galeria du hiru solairuetan.
  • Eltzaurpe ttiki. Etxeak arrasto gotikoak ditu bazter bateko leihoan eta fatxadako atean. Eguzkia, IHS hizkiak, ilargia eta lanerako tresnak ditu zizelkaturik ate gainean. 1638an Bera osorik erre zuen sutea baino lehen, mota horretako etxeak ohikoak ziren herrian.
  • Lazarobaita. XVII. menearen hondarrean eta XVIII.aren hasieran eraikia, egurrezko tailu tipikoak ditu. Etxearen alde bakoitzean sarrerako ate bana ditu, eta erdian bertze bat handiagoa, toskanar itxurako bi zutabez hornitua. Bigarren Karlistaldian Carlos VII.ak etxe honetan egin zuen lo.
  • Karnaxenea. Frantziarren eraso militarren ondorioz herriak su hartu zuen 1638ko uztailaren 16an. Gertaera hura gogorazten du etxe horretako zurezko habean idatzitako testuak. Antza denez, Salbat Altzate Urtubik,Altzateko Jaunak, zuzenean parte hartu zuen bere herriaren erasoan.
  • Zelaia. Harri landuko baserria. Etxearen aitzineko aldeak eta bazterrak neurri bertsuak izatea deigarria da. Beheitiko solairuaren erdialdean gune zabal bat dago, garai batean bidezidorra izandakoa.[7]
  • San Migel zubia. Zubi horrekSan Migel zubiko gudaldiaren testigu izan zen. 1813ko irailaren 1ean, bezperan Donostia erre ondotik, tropa frantziarrak ihesi zihoazela, Bidasoa gaineko zubi horretan borrokaldi latza izan zuten tropa ingelesekin. Gosea eta pobrezia handia utzi zituen borrokaldi hark hurrengo hamarkadan Bortzirietan.
  • San Migel zubia

Kultura

[aldatu |aldatu iturburu kodea]
Berako Antonia Goñi[8] (Ahotsak[9] proiekturako)

Euskara

[aldatu |aldatu iturburu kodea]
Sakontzeko, irakurri: «Iparraldeko goi nafarrera»

Herriko etaBortziri osoko hizkerakeuskalki honetan sailkatuta daude,Iparraldeko goi nafarrera alegia.Nafarroa Garaiko ipar-mendebaldeko beste eskualdeetan zabaltzen da euskalkia,Sakana,Leitzaldea,Malerreka,Ultzamaldea etaAnuen, baita Gipuzkoa ipar-ekialdean ere,Oarsoaldean alegia.

Berako hizkerari dagokionez, badaude sarean artikulu aipagarriak bokal elkarketei buruzkoa[10] eta esamolde zaharrei buruzkoa[11].

Nafarroa Oinez

[aldatu |aldatu iturburu kodea]
  • 1983an Berako Labiaga Ikastolak lehenbiziko aldiz egin zuenNafarroa Oinez besta.
  • 1994an beratarrek bigarren aldiz prestatu zuten Nafarroa Oinez.
  • 2006kourriaren 15ean hirugarren aldiz antolatu zuten Nafarroa Oinez besta herrian "Baietz Oraingoan!" lelopean.

Kultur elkarteak

[aldatu |aldatu iturburu kodea]

Musika taldeak

[aldatu |aldatu iturburu kodea]

Musikaren esparruan tradizio luzeko herria izan da Bera. Herrian jaiotako edo bizi izandako musikarien artean, aipatzekoak diraIsidoro Fagoaga (Bera, 1893 - Donostia, 1976) tenorra,Mikel Irazoki (M-ak, Bizkarhezurra, Miguel Bose...) etaFernan Irazoki (M-ak, Fito y los Fitipaldis...) anaiak,Joseba Irazoki (Maixa ta Ixiar, Xabier Montoia band, Onddo, Do, On Benito...),Iñigo Telletxea etaIgor Telletxea (Xabier Montoia band, Anje Duhalde, Triki ta ke...) anaiak,Javier Perez de Azpeitia pianojolea,Petti bakarlaria,Xabier Erkizia (Gutariko bat, Voodoo Muzak, Café Teatro, Billy Bao...) soinu artista,Joseba B. Lenoir, Estitxu Pinatxo,Josu Goia kantaria,Beñardo Goietxe (Morau eta Agotak, Noise Hole, Mugaldekoak...),Mikel Etxegarai (Gutariko bat, Voodoo Muzak, Mengele Quartet, Bizarra..) eta abar.

Azken hamarkadotan, Beran hainbatpop etarock talde sortu dira:Onddo,Borrokan,Gutariko Bat,Noise Hole,On Benito,Sexty Sexers, etaAzken Trena adibidez. Aipagarria da, baita ere, 2000. urtetik aitzina urtero ospatzen denERTZ jaialdia, Bertze Musikei eskainitako ekitaldia.

Bestak eta ospakizunak

[aldatu |aldatu iturburu kodea]
  • Berako inauteriak: Hausterre asteazkenaren aitzineko egunetan ospatzen dira inauteriak:
    • Ortzegun gizena: Goizean haurrak ateratzen dira puska biltzea egiterazingar-arraultze eskean. Arratsaldean, aldiz,Inudeak eta artzainak dantzatzen ibiltzen dira.
    • Larunbata:Kaldereroen konpartsa.
    • Igandea:Inudeak eta artzainak konpartsa. Mutilak neskaz janzten dira, eta neskak mutilaz. Dantzariekin batera hainbat pertsonaia bitxi agertzen dira, musikariekin batera.
    • Astelehena: goizeanZingar-arraultze eskea egiten da baserrietan eta karriketan. Inauterietako egun handia.
  • Besta Berri eguna: Gorpuzti egunez prozesioa egiten da. Txistulariek Alkate soinua jotzen dute, Berako doinua, besta honetarako bereziki egina. Prozesioaren ibilbidean maindire bat zabaltzen da bidearen erditik, eta honen bazterretan iratzea zabaltzen da. Paretetan, aldiz, loreak eta adaxkak paratzen dira. Herriko bandera dantzatzen da egun horretan.
  • Ekobera: ekainean produktu ekologikoen azoka egiten da.
  • Sanesteban bestetako dantza (2014-08-03)
    Sanesteban bestak: herriko zaindariaren bestak abuztuaren 2tik 6ra arte izaten dira (abuztuaren 3a, Done Eztebe eguna). Musika, dantzak, herri kirolak, kukaina eta mota guzietako ikuskizunak izaten dira. Zaindariaren egunean,Done Ezteberen ohoretan meza nagusia izaten da, eta ondotik Berako bordon dantza eta makil dantza dantzatzen dira.2018an, lehen aldiz emakume bat izan zen kapitaina, eta hark gidatu zuen bordon dantza.[12] Arratsaldean, berriz, Berako aurreskua.
  • Lurraren Eguna: urriko 4. igandean, Gure Txokoa Elkarteak antolatua, eskulangileak, gasna eta sagardo lehiaketak, bertako produktuen erakusketa, musika, dantzariak eta abar biltzen dituen besta eguna.
  • Olentzeroa:abenduaren 24an Olentzerori kantatzen zaio. Arratsaldean haurrak ateratzen dira Olentzero eta bertzelako eguberri-kantak abestuz. Ilunabarrean helduen txanda izaten da.
  • Urtezaharra
    • Glin-glan:Urtezahar arratsaldean, haurrak auzoz auzo ibiltzen dira, etxeko atarietanGlin-glan, glin-glan, duenak ez duenari eman kantuarekin eskean. Fruitu lehorrak, goxokiak, frutak eta abar botatzen dira leihoetatik.
    • Diostesalbea: Urtezahar ilunabarrean kopla kantuan ibiltzen dira urte zaharra agurtuz, eta urte berria opatuz.

Ikastetxeak

[aldatu |aldatu iturburu kodea]

Kirola

[aldatu |aldatu iturburu kodea]

Kirol instalazioak

[aldatu |aldatu iturburu kodea]
  • Toki Ona Udal Kiroldegia
  • Udal Igerilekuak
  • Matzada Futbol zelaia
  • Eztegara Udal Pilotalekua
  • Altzateko pilotalekua

Kirol elkarteak

[aldatu |aldatu iturburu kodea]
  • Toki Ona Bortziriak Saskibaloi elkartea
  • Gure Txokoa KE
  • Bortziriak pilota elkartea
  • Manttale mendi lasterketa taldea
  • Agerra mendi taldea
  • Berako Kenpo Kai elkartea
  • Ehiza eta arrantza elkartea

Kirol ekitaldiak

[aldatu |aldatu iturburu kodea]

Urtean zehar hainbat kirol ekitaldi egiten dira; errate baterako:

  • Berako mendi maratoi erdia (Manttale Kirol Elkartea)
  • Berako mendi itzulia (Agerra Mendi Taldea)
  • Lizuniagako igoera (Gure Txokoa Elkartea)
  • Bera mendi bizikleta froga (Gure Txokoa Elkartea)
  • Felix Errandonea memoriala (Gure Txokoa Elkartea)

GR 11 ibilbidea

[aldatu |aldatu iturburu kodea]

Pirinioetako hegoaldeko isurialdea aldenik zeharkatzen duenGR 11 ibilbidea udalerri honetatik igarotzen da.

GR 11 ibilbidea


Beratar ospetsuak

[aldatu |aldatu iturburu kodea]

Erreferentziak

[aldatu |aldatu iturburu kodea]
  1. ↑abcde Euskal Herriari Begira. Udalbiltza.
  2. ↑ Euskararen Adierazle Sistema. Euskara-gaitasuna adinaren eta sexuaren arabera. EAE (eskualdeka/udalerrika). Eusko Jaurlaritza.
  3. ↑«Kaleko erabilera herrialdez herrialde» Euskararen erabilera (Wikipedia).
  4. ↑Euskaltzaindia. 155. araua: Nafarroako udal izendegia..
  5. ↑Salaberri Zaratiegi, Patxi. (2012). «El elemento vasco en la obraToponimia Hispánica. Origen y evolución de nuestros topónimos más importantes» (PDF) Fontes Linguae Vasconum 114: 159-167. (kontsulta data: 2020-05-16).
  6. ↑Nafarroako Meteorologi Agentziaren webgunea.
  7. ↑ «Berako Zelaia baserriari buruz Antonio Aranbururekin, 1999an emititua - Bortziriak» Erran.eus (kontsulta data: 2020-04-07).
  8. ↑ «Goñi Goldarazena, Antonia - Ahotsak.eus» ahotsak.eus (kontsulta data: 2018-11-29).
  9. ↑ «Ahotsak.eus, Euskal Herriko hizkerak eta ahozko ondarea» www.ahotsak.eus (kontsulta data: 2018-11-29).
  10. ↑"Bokal-elkarketak beratarren hizkeran"
  11. ↑"Esamolde zaharrak naturalki berreskuratzen"
  12. ↑«Lehen aldiz emakume batek gidatu du Berako Bordondantza» https://erran.eus (kontsulta data: 2018-08-05).

Ikus, gainera

[aldatu |aldatu iturburu kodea]

Kanpo estekak

[aldatu |aldatu iturburu kodea]
Euskarazko Wikipedian bada atari bat, gai hau duena:
Nafarroa
Autoritate kontrola


Berako auzoak

Altzate •Bera •Dornaku •Garaitarreta •Illekueta •Kaule •Suspela •Suspelttiki •Xantelerreka/Elzaurdia (Ibardin) •Zalain •Zia

Abaigar •Abartzuza •Abaurregaina •Abaurrepea •Aberin •Ablitas •Adios •Agoitz •Aguilar Kodes •Aiegi •Alesbes •Allin •Allo •Altsasu •Ameskoabarrena •Andosilla •Antsoain •Antzin •Anue •Añorbe •Araitz •Arakil •Aranaratxe •Aranguren •Arano •Arantza •Aras •Arbizu •Arellano •Areso •Arguedas •Aria •Aribe •Armañantzas •Arroitz •Arruazu •Artaxoa •Artazu •Artzibar •Atarrabia •Atetz •Auritz •Azagra •Azkoien •Azuelo • Bakaiku •Barañain •Barasoain •Barbarin •Bargota •Barillas •Basaburua •Baztan •Beire •Bera •Beraskoain •Berbintzana •Beriain •Berriobeiti •Berriozar •Bertizarana •Betelu •Bidankoze •Bidaurreta •Biurrun-Olkotz •Buñuel •Burgi •Burlata • Cabanillas •Cadreita •Cabredo •Caparroso •Cárcar •Cascante •Castejón •Corella •Cortes •Cintruénigo • Deierri •Deikaztelu •Desoio •Donamaria •Doneztebe • Eguesibar •El Busto •Elgorriaga •Elizagorria •Elo •Elortzibar •Eneritz •Eratsun •Ergoiena •Erriberri •Erroibar •Erromantzatua •Erronkari •Esa •Eslaba •Espartza •Esprontzeda •Esteribar •Etaiu •Etxalar •Etxarri •Etxarri Aranatz •Etxauri •Eulate •Ezkabarte •Ezkaroze •Ezkurra •Ezporogi • Faltzes •Fitero •Fontellas •Funes •Fustiñana • Galar •Galipentzu •Galoze •Garaioa •Garde •Gares •Garinoain •Garralda •Gazteluberri •Genevilla •Gesalatz •Girgillao •Goizueta •Goñerri •Gorza • Hiriberri • Ibargoiti •Igantzi •Iguzkitza •Imotz •Irañeta •Irunberri •Iruñea •Irurtzun •Ituren •Iturmendi •Itza •Itzagaondoa •Itzaltzu •Izaba • Jaitz •Jaurrieta • Kaseda • Labaien •Lakuntza •Lana •Lantz •Lapoblación •Larraga •Larragoa •Larraun •Leatxe •Ledea •Legarda •Legaria •Leitza •Lekunberri •Leotz •Lerga •Lerin •Lesaka •Lezaun •Lizarra •Lizoainibar-Arriasgoiti •Lodosa •Longida •Los Arcos •Lukin •Luzaide • Mañeru •Marañón •Martzilla •Mélida •Mendabia •Mendaza •Mendigorria •Metauten •Milagro •Mirafuentes •Miranda Arga •Monteagudo •Morentin •Mues •Murchante •Murieta •Murillo el Cuende •Murillo el Fruto •Muruzabal • Nabaskoze •Nazar • Odieta •Obanos •Oibar •Oiz •Oko •Olaibar •Olatzagutia •Olexoa •Ollaran •Oloritz •Oltza zendea •Orbaizeta •Orbara •Orisoain •Orkoien •Orontze •Orotz-Betelu •Orreaga •Oteitza •Otsagabia • Petilla Aragoi •Piedramillera •Pitillas •Puiu • Ribaforada • Saldias •San Adrián •San Martin Unx •Santakara •Santsol •Sartaguda •Sartze •Sesma •Sorlada •Sunbilla • Tafalla •Tebas-Muru Artederreta •Tirapu •Torralba del Río •Torres del Río •Tulebras •Tutera •Txulapain • Uharte •Uharte Arakil •Ukar •Ultzama •Untzitibar •Untzue •Urdazubi •Urdiain •Urraulbeiti •Urraulgoiti •Urrotz •Urroz •Urzainki •Uterga •Uxue •Uztarroze • Valtierra •Viana •Villamayor de Monjardín •Villatuerta • Xabier • Zabaltza •Zangoza •Zare •Zarrakaztelu •Ziordia •Zirauki •Ziritza •Zizur •Zizur Nagusia •Zubieta •Zugarramurdi •Zuñiga
"https://eu.wikipedia.org/w/index.php?title=Bera&oldid=10544068"(e)tik eskuratuta
Kategoria:
Ezkutuko kategoriak:
[8]ページ先頭
©2009-2026 Movatter.jp