Al-Fatah[1] (arabieraz:فتحFatḥ,ˈfateħ ahoskatua), lehenPalestinaren Askapenerako Mugimendua,[2]Palestinakoalderdi politiko nagusienetariko bat da eta baitaPalestinaren Askapenerako Erakundea (PAE) koalizioaren nagusiena ere.
Al-Fatahek borroka iraultzailearekin lotura estua izan du eta hainbat adar militar ditu.[3][4][5] Bere buruzagi historiko eta sortzaileJassir Arafat izan zen eta 2004an hil zeneanMahmud Abbasek ordezkatu zuen.
Al-Fatah indar palestinar nagusia bihurtu zen sei eguneko gerraren ondoren, etaPalestinaren Askapenerako Erakundearen zuzendaritza izan du 1969ren ondoren.
Bigarren Mundu Gerraren amaieran Palestinan Estatu arabiar independente bat eraiki nahi zuen mugimendu bat zegoen, ordukoPalestinako Britainiar Mandatuari aurre egiten ziona. 1948an, Israel sortu ondoren, ikasle palestinarren taldeak biltzen hasi ziren, herri palestinarraren osotasuna eta subiranotasuna defendatzeko modurik onena erresistentzia mugimendu handi bat antolatzea zela sinetsita. Horrela, mugimendu iraultzaile autonomo, sekular eta izaera nazionalekoa, hau da, herrialde arabiarretatik eta atzerriko edo erlijioko beste edozein boteretatik independentea zen mugimendu bat sortzera iritsi ziren1959an. Jassir Arafat izan zen, Salah Khalaf eta Khalil al-Wazirrekin batera, sortzaileaKuwaiten bizi zirenean, aurretikKairon edoBeiruten ikasle etaGazan errefuxiatuak izan eta gero. 1960an ezarri Gazan ezarri zen eta 1965ean ekin zion borroka armatuari. 1967an PAEn sartu zen, eta 1969an Arafat hautatu zuten erakunde horren buru.[6]
