A.I. Artificial Intelligence (euskarazI.A. Inteligentzia Artifiziala)2001ekoSteven Spielberg estatubatuarzinema zuzendariarenzientzia-fikziozkofilma bat da.Brian Aldiss idazlearen "Super-Toys Last All Summer Long" eleberrian oinarritua dago,Pinotxoren abenturak eleberriaren hainbat elementu ere badituelarik. Bertan,Haley Joel Osment,Jude Law,Frances O'Connor,Brendan Gleeson etaWilliam Hurt aktoreek antzeztu zutelarik, narratzaileaBen Kingsley aktorea izan zen.
Jatorriz,1970eko hamarkadanStanley Kubrickek gauzatu behar zuen proiektua izan zen,1990eko hamarkada arte filmatzeko asmoa izan zuelarik, horretarako istorioa egokitzeko hainbat idazle kontratatu zituen, baina azkenean filmaketa bertan behera laga zuen.1995an Kubrickek Spielbergi filma gauzatzeko baimena eman zion.
Filmak 2Oscar Sarietarako izendapenak jaso zituen:Efektu berezi onenen Oscar Saria etaJatorrizko soinu banda onenaren Oscar Saria, nahiz eta bi sarietako bat bera ere ez irabazi izan. Efektu berezi onenenBAFTA Sariaren izendapena eta 3Urrezko Globo Sarien izendapenak ere jaso zituen.
Etorkizuneko munduan, gizakiek Mekak izenekorobot sofistikatuekin elkarbiziko dute. Gizakien eta makinen arteko ezberdintasun bakarra sentimenduak izango dira. Baina David (Haley Joel Osment) izeneko haur-robot bat maitatzeko programatzen dutenean, gizakiak ez dira egin berri dutenaren ondorioetarako prestatuak egongo, eta Davidek bere burua mundu ezezagun eta arriskutsu batean topatuko du.
