| Valjunquera | |||
|---|---|---|---|
 | |||
municipo en Hispanio vd | |||
| Administrado | |||
| Poŝtkodo | 44595 | ||
| En TTT | Oficiala retejo[+] | ||
| Demografio | |||
| Loĝantaro | 328 (2024)[+] | ||
| Loĝdenso | 8 loĝ./km² | ||
| Geografio | |||
| Geografia situo | 40° 57′ N,0° 2′ O(mapo)40.9526710.026026699999989Koordinatoj:40° 57′ N,0° 2′ O(mapo)[+] | ||
| Alto | 552 m[+] | ||
| Areo | 41,836585 km² ( 418 3.6 585 ha)[+] | ||
| Horzono | UTC+01:00[+] | ||
 | |||
| |||
| |||
| |||
| Alia projekto | |||
 Vikimedia KomunejoValjunquera[+] | |||
Valjunquera [balĥunKEra] (Valljunquera en kataluna) estas vilaĝo kaj municipo de la provincoTeruelo (nordorientaHispanio), nome en la nordokcidento de la nordorienta komarkoMatarraña, kies administracia ĉefurbo estasValderrobres. La loknomoValjunquera estas etimologie komprenebla kielValo de junkejo aŭJunkovalo.
Ĝi estas je 162 km deTeruelo, provinca ĉefurbo, sur 552 msm de altitudo. La municipa teritorio estas en la nordokcidento de la komarko; ĝi komunikas laŭ la regiona ŝoseo A-231 kunLa Fresneda sudoriente kajValdealgorfa kajAlcañiz nordokcidente; krome estasValdeltormo nordoriente. La loko estas ĉe laIberia Sistemo kie estas nombraj ravinoj kaj torentoj de la baseno de la rivero Matarraña. La altitudo gamas inter 693 m sude kaj 480 m borde de la Val de los Abochales, nordoriente.
La loko apartenas al la nomita Aragona Strio, kaj en la municipo la loka parolmaniero estas inter la variaĵoj klasitaj kiel dialektoj de la kataluna. Krome, la tuta loĝantaro regas kaj povas uzi la kastilian.
Ŝajne la loko estis ene de muregoj (el kiuj restis malmultaj restaĵoj) en epoko deAl Andalus. La konkero fare de kristanoj okazis en la 12-a jarcento. La reĝo donis la lokon al laOrdeno de Kalatravo. Prospero okazis inter la 16-a kaj 17-a jarcentoj kiam oni konstruis plej multe. Dum laMilito de Hispana Sendependigo, kaj la politika malstabileco kaj la forta militimpostado domaĝis la loĝantaron. LaKarlismaj militoj denove rezultis en mortigado kaj detruo.
Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Valjunquera kie oni malaltiĝis el 1 400 loĝantoj de 1924 al nur 342 en 2021 laŭlonge de la jarcento.
.jpg)
Bazo de ekonomio nun estas agrikulturo (olivarboj kaj migdalarboj) kaj ĉefe brutobredado (ŝafoj kaj porkoj) kaj sekva nutrindustrio. Nune gravas ankaŭ natura, kultura kajrura turismo. Inter vidindaĵoj estas la preĝejo, la urbodomo, ermitejoj, fontoj, la kapeloj, basenoj, kaj naturaj lokoj kiel ĉe la abandonita loĝloko Mas del Labrador kun la preĝejo de San Juan Degollado aŭ Sant Joan Degollat.
