La Azova Maro estas la plej malprofunda maro en la mondo: la profundo ne superas 13,5 metrojn , la averaĝa profundo estas ĉirkaŭ 7,4 m (laŭ diversaj taksoj - de 6,8 ĝis 8 m)[2]
Satelita bildo de la preskaŭinsuloKrimeo kaj de la Azova Maro
La ĉebordaj ŝtatoj estasUkrainio okcidente kajRusio oriente. La preskaŭinsuloKrimeo kaj laTamanja duoninsulo dividas la Azovan Maron disde la Nigra Maro. La okcidenta bordo de la maro estas malprofunda sistemo el multaj insuloj kaj duoninsuloj, golfetoj kaj lagoj de sala akvo.
Ĉar la riveroDon per kanaloj estas ligita kun la riveroVolgo (kaj pere de ĝi kun laKaspia Maro, laBalta Maro kaj laBlanka Maro), la Azova Maro estas grava ligo por la ŝipa trafiko de Rusio kaj orienta Ukrainio al la direkto de la Nigra Maro - alRumanio,Bulgario,Grekio kajTurkio.
La areo de la maro estas 38.000 km², kaj la pleja profundeco nur 15 m. Pro tio dum la somero la akvo atingas relative altajn temperaturojn, tre agrablajn por banado. La nekrutaj deklivoj estas aparte oportunaj por ripozo kun infanoj. Ĉe la maro situas kelkaj ripozlokoj, inter ili plej popularasJejsk,Primorsko-Aĥtarsk kajTaganrog en Rusio,Berdjansko en Ukrainio.
Laŭ biologia produktivo la maro havas la unuan lokon en la mondo. Plej grande kreskas en ĝibentoso kajfitoplanktono. Tio kaŭzas ankaŭ grandan produktadon de fiŝo.
