Laŭ provizora bilanco de viktimoj (neinkluzivante la murdistojn) starigita de prokuroro la14-an de novembro2015, 129 homoj mortis kaj 352 estis vunditaj (inkluzive de 99 en “urĝega situacio”)[2]. El la sep mortintaj teroristoj, unu estis mortpafita de polico kaj sesmortigis sin pereksploda zono, kio igas tiujn atakojn la unuaj sinmortigaj atakoj en Francio[3]. Laŭ la kvanto da mortintaj viktimoj, tiuj atakoj estas la plej gravaj en Francio post la fino de laDua mondmilito kaj la plej gravaj en Eŭropo post la 191 mortintoj en lamadridaj atakoj de la 11-a de marto 2004[4].
Abdelhamid Abaaoud, kiu havis laŭ francaj aŭtoritatoj “esencan rolon” en tiuj atakoj, estis mortigita la18-an de novembro2015 dum polica sturmo en Saint-Denis.
Je 21:20, la unua grupo kaŭzis unuan eksplodon en la strato Jules-Rimet ĉe la pordego D de laStadiono de Francio, enSaint-Denis, kie komenciĝis je 21:00 amikafutbala maĉo inter la futbalaj naciaj teamoj deFrancio kajGermanio. Du kadavroj estis poste trovitaj, tiu de sinmortiginta teroristo surhavantaeksplodan zonon enhavantan TATP (acetonan peroksidon) kajŝraŭbingojn, kaj tiu de viktimo, preterpasanto mortigita de la eksplodo. Je 21:30, en la sama strato, antaŭ la pordego H, alia teroristo kun simila bombo eksplodigis sin. Ĉar ili ne havis bileton, la du teroristoj ne estis akceptitaj en la stadionon, post komenco de la maĉo[5].
Tria kaj lasta eksplodo ĉe la Stadiono de Francio okazis en simila maniero je 21:53, en la strato La Cokerie, antaŭ manĝejoMcDonald’s. Oni denove trovis la korpon de lakamikazo[6]. Entute, kvar homoj mortis, inkluzive de tri teroristoj[7]. Pliaj 11 homoj estis grave vunditaj, inkluzive de triciganoj elladurbo enLa Courneuve[8]. Dek ses viktimoj, el kiuj kvin estis en grava stato, estis kondukitaj al la malsanulejo Delafontaine en Saint-Denis[9].
Lokoj de la eksplodoj apud la Stadiono de Francio
La restoracio McDonald’s
Strato Jules-Rimet antaŭ restoracio Quick (restoracio)
La restoracio Events
Tiujn eksplodojn aŭdis la piedpilkistoj, spektantaro kaj televidantoj dum rekta elsendo de la maĉo, sed homoj unue kredis ilin grandajpetardoj. Je 21:36, en la prezidenta podio, laministro pri enlandaj aferojBernard Cazeneuve ricevis telefonvokon de lapolica prefekto de Parizo, kiu informis lin, ke la eksplodoj ne estis akcidentaj[10]. Laprezidento de la respublikoFrançois Hollande, kiu ĉeestis la maĉon kun la ministro pri enlandaj aferoj kaj la germanaministro pri eksteraj aferojFrank-Walter Steinmeier, tiam iris al la sekurcentro de la stadiono, kune kun Bernard Cazeneuve. Informite pri la aliaj atakoj, François Hollande eliris la stadionon dum la duontempa paŭzo, petante siajn ministrojn kaj la prezidanton de laNacia Asembleo resti ĝis fino de la maĉo. Tuj post ĝia fino, parolanto anoncis “eksteran okazaĵon” kaj donis klarigojn pri elirado. Panikanta homamaso iris sur la piedpilkejon[11].
Flagoj fronte al la stadiono post la maĉo
La maĉo ne estis ĉesigita por eviti panikon. La piedpilkistoj, spektantoj kaj ĵurnalistoj en la stadiono ne estis informitaj ĝis fino de la maĉo[12]. Kune kun la prezidanto de lafrancia federacio de futbalo Noël Le Graët, la ŝtata sekretario pri sportojThierry Braillard sciigis la francajn ludantojn pri la terorismaj atakoj, post kiam ili revenis al la vestejo. Ankaŭ la germanaj ludantoj, solidaraj kun la francaj, estis ŝokitaj. Ĉar ilia hotelo estis evakuita pro bomba alarmo, ili decidis tranokti en la vestejo de la stadiono, antaŭ ol reveni al laflughaveno de Roissy en pluraj nemarkitaj aŭtobusetoj la sekvan tagoj[11].
Laŭ Thierry Braillard, la kamikazoj verŝajne volis eniri la Stadionon de Francio, sensukcese[13]. Pro tio, ilia atako estis entute malsukceso. Laŭ polica fonto, estas “mirakle, ke estis tiom malmulte da viktimoj. Konkrete, kion ili faris estis sinmortigo, tio ne havas sencon. Tio ne estas la ĝusta horo: se vi volas amasbuĉi, faru tion dum enirado aŭ elirado de la spektantoj.” Ĝi aldonas, ke “se ili atendus ĝis la fino de la maĉo, kiam miloj da homoj amase iras al metroo, ankaŭ tiam ili farus terurajn damaĝojn […] Sed ili ĉefe kaŭzus nekredeblan panikon. Paniko, pro nerekta efiko, estas terura. Homoj surpaŝas unu la aliajn.”[14]
Kruciĝo de la stratoj Bichat kaj Alibert (10-a arondismento)
Viro ekpafis je 21:25 al la trinkejoLe Carillon, 18 strato Alibert (ĉe angulo de tiu strato kun la strato Bichat), kaj poste al la restoracio trans la strato,Le Petit Cambodge, 20 strato Alibert (ĉe alia angulo kun la strato Bichat)[15][16]. Meze de la nokto de la atako,Le Monde menciis 15 mortigitojn kaj 10 vunditojn, kiuj bezonis urĝegan prizorgon[7].
Viro ekpafis je 21:32[2] antaŭ la bierejoCafé Bonne Bière, 32 strato Faubourg-du-Temple (ĉe kruciĝo kun la strato La Fontaine-au-Roi) kaj apud la teraso de itala restoracio,La Casa Nostra, 2 strato La Fontaine-au-Roi. Meze de la nokto de la atakoj, oni anoncis 5 mortigitojn kaj 8 gravegajn vunditojn[7].
Viro ekpafis je 21:36 al la restoracioLa Belle Équipe, 92 strato Charonne (ĉe kruciĝo kun la strato Faidherbe). 19 personoj mortis kaj 9 estis grave vunditaj[2][7].
Alveninte kun sia frato Salah Abdeslam per nigraSEAT, la teroristo Brahim Abdeslam eksplodigis sin je 21:43, dum li mendis en la kafejoComptoir Voltaire, 253 bulevardo Voltaire.[17] (ĉe angulo kun la strato Montreuil), uzante la saman sistemon kiel la teroristoj de la Stadiono de Francio[6] Li grave vundis du personojn kaj malpli grave ĉirkaŭ dek, ĉar nur la eksplodaĵo en lia dorso eksplodis. Salah Abdeslam revenigis alMontreuil la aŭton, en kiu oni trovis plurajnkalaŝnikovojn, kaj poste foriris alBruselo kun komplicoj. Francajĝendarmoj kontrolis ilin apudCambrai sur lafranca aŭtovojo A2 (Autoroute A2), sed ne arestis ilin.[18]
Ĉe la teatroBataclan ĉe laadreso50 Boulevard Voltaire en la 11-a arondismento, la usona rokmuzika grupoEagles of Death Metal donis koncerton tiun vesperon al ĉirkaŭ 1 500 koncertaj ĉeestantoj. Je proksimume 21:50 h, Amimour, Mostefaï kaj Aggad eliris el privata aŭto antaŭ la teatro, subite ekpafis kontraŭ du junaj viroj sur bicikloj, kaj perforte eniris la konstruaĵon tra la drinkejo kaj la varbudo. La atakantoj komence pafis perKalaŝnikov-mitraletoj en la publikon dum ĉirkaŭ dek minutoj kaj ĵetis ĵetgrenadojn en la homamason. Multaj homoj estis mortigitaj kaj kelkaj grave vunditaj ĉe la komenco de la atako; sume 89 homoj estis murditaj en la Teatro Bataclan. La koncertaj ĉeestantoj provis kaŝi sin en la halo kaj sur la balkonoj; kelkaj sukcesis eskapi eksteren. Du policistoj de la brigado kontraŭkrima (BAC), kiuj alvenis je proksimume 22:15 h, sukcesis pafmortigi Aggad. Ili estis devigitaj retiriĝi kaj atendi plifortikigojn de la brigadoj RAID, BRI. La du atakantoj, Amimour kaj Mostefaï, iris al la supraj etaĝoj, kie ili prenis ostaĝojn kaj barikadis sin interne. La specialaj fortoj de la polico traserĉis la lokon kaj iom post iom liberigis la gastojn. Polica negocisto ne sukcesis negoci kun la atakantoj. Dum la polica atako je proksimume 00:20 h, la du teroristoj sinmortigis per detonacio de siajsuicidaj veŝtoj. La operacio finiĝis je 00:50 h. La membroj de la aŭstra subtena muzikgrupoWhite Miles kaj la usona rokmuzika grupoEagles of Death Metal eskapis el la loko de la terorista atako senvunde. Brita skipano, kiu homekipis la varbudon, estis pafmortigita. Inter la koncertaj gastoj estas muzikistoj de la usona metalroka bandoDeftones, kiuj origine devis ludi tie la 14-an de novembro 2015. Ili evitis la sangobanon ĉar ili estis forlasintaj la halon baldaŭ post la komenco de la ĉefa koncerto.
Post evakuo, François Hollande direktiĝis al laministerio pri enlandaj aferoj kie li prezidis urĝan kunvenon.Krizostato estas deklarita en Francio kaj landlimoj estos fermitaj, laŭ anonco en televido.
