Katar word deur die Huis van Thani regeer sedert Mohammed bin Thani in 1868 'n verdrag met die Britte onderteken het waarin sy separate status erken word. Na dieOttomaanse heerskap het Katar aan die begin van die 20ste eeu 'nBritse protektoraat geword tot sy onafhanklikheid in 1971. In 2003 is diegrondwet oorweldigend in 'n referendum goedgekeur, met byna 98% ten gunste daarvan.[6][7]
Vanaf Katar se hoofstad Doha beeldsend die nuuskanaalAl Jazeera in die Arabiese wêreld uit.Qatar Airways is die nasionale vlagdraerlugredery met sy spilpunt opHamad Internasionale Lughawe in Doha. Katar is sedert Junie 2017 onderhewig aan 'n diplomatiese en ekonomiese embargo deur Saoedi-Arabië, die Verenigde Arabiese Emirate, Bahrein enEgipte. Saoedi-Arabië het ook die bou van die Salwa-kanaal voorgestel, wat langs die gemeenskaplike grens sal loop en Katar as 't ware in 'neilandstaat sal verander.
In 2022 is in KatarFIFA se22ste Sokker-Wêreldbekertoernooi beslis en deur Argentinië gewen, maar dié toekenning was baie omstrede. Oorspronklik is ook dieFIFA Sokker-Konfederasiebeker in 2021 as voorbereiding aan die land toegeken, maar dié toernooi is later deur FIFA geskrap. In 2019 het Katar vir die eerste keer die Asiatiese Nasiesbeker gewen en in 2024 kon hulle hul titel suksesvol verdedig.
↑(en)"Population structure". Ministry of Development Planning and Statistics. 31 Januarie 2020. Geargiveer vanafdie oorspronklike op 26 Junie 2018. Besoek op4 Februarie 2019.
.svg)
