C'l artìcul chè 'l è scrit inMiranduléś |
 Tenebre | ||
 Saxon e la Veronica Lario in na figùra dal film | ||
| Tènebri 1982 | ||
|---|---|---|
| Regìa:Dario Argento | ||
| Scritōr: Dario Argento | ||
| Atōr:Anthony Franciosa •Christian Borromeo John Saxon •Giuliano Gemma •Eva Robin's Daria Nicolodi •Veronica Lario •Ania Pieroni Michele Soavi •Lara Wendel •Mirella D'Angelo Carola Stagnaro •John Steiner •Ennio Girolami Isabella Amadeo •Mirella Banti •Marino Masé Lamberto Bava •Eva Axén •Ippolita Santarelli | ||
| Müsica: Massimo Morante Fabio Pignatelli • Claudio Simonetti | ||
| Léngua:Itagliàṅ •Ingléś •Spagnōl | ||
| Dürä dal film:96 minüt | ||
| Nasiōṅ:Itàglia | ||
Tenebre (Tènebri) 'l è 'n film śal e ad scarésa dal1982 adDario Argento.
Cun cla pelìcula chèArgento al tórna a 'l gènarthriller dgl'inìsi, miténd da na banda la scarésa di dū film precedènt,Suspiria eInferno. Chè i gh dànan 'n ajùt a la regìa, faghénd anc dūcameo pìcui,Lamberto Bava eMichele Soavi, in séguit regìsta 'd scarésa anc lōr.
Anne (Daria Nicolodi) la fà l'asisténta d'l agìntBullmer (John Saxon) che, insém a 'l sò culégaGianni (Christian Borromeo), al fà in manéra ad spìnś'r in élt inItâglia i lìbar śai dal scritōr americàṅPeter Neal (Anthony Franciosa), 'l ùltim di quài al pòrta 'l tìtul adTenebrae. Rivâ aRóma chi lò al taca a ricévar dal telefunàdi 'd òṅ ch'l à lèt al sò rumànś e ch'al gh diś ch'al masarà tgnénd cònt ad quél ch'a gh'è scrit insìma.
La prima a pèrdar la vita l'è na ladra (Ania Pieroni) ch'la vèṅ masàda a cà sua a cólp adraśōr, cun la bóca impinìda ad paǵni adTenebrae. In cal mèntarNeal al rispónd a dal dmandi di giurnalìsta in sal sò lìbar, cun al crìticCristiano Berti (John Steiner) ch'al vōl savér incòsa a riguàrd dal mutivasiòṅ di masamènt e s'a gh'è dla difarénsa fra i cumpurtamènt deviànt e quéi parvèrs, méntar laTilde (Mirella D'Angelo) la gh dà adòs par cum al trata 'l dóni in di sò lìbar („callèśbichi lè i śbràgan tant i cajòṅ parchè i vrévan avér-gh-i lōr“ al bacàjaBullmer in di sò riguàrd).
Cla sira lè l'amànta adTilde la s pòrta a cà un masć catâ sù in un bar ma, pròpria mént'r al dū dóni i èṅ drē a litgàr-as, i èṅ fati fóra da 'lkiller misterióś ch'al n supòrta minga al dóni ch'i s làs'n andàr a di cumpurtamènt deviànt.
Na śóvna amìga 'dAnn,Maria (Lara Wendel), par scapàr via da 'ndobermann rabî mat, la và dèntar a na vila mudernìsta e lè la cata al fòto dal dóni masàdi e par cal mutìṿ lè la vèṅ cupàda anca lē a cólp ad manàra. Al sasèṅ al manda pò na létra aNeal dmandànd-ag scuśa p'r avér masâ na śuvnòta ch'la n gh in 'ntràva gnint e pò al fà savér ch'al purtarà avànti listés la sò òpra par far sparìr via laperversiòṅ umàna e pò al sarà al tùran dalgrand curutōr, ch'al sarév pò lò.Neal, arcurdànd-'s al paròli dla sò intervìsta, al pènsa ch'al manìac al prév èsarBerti parchè al dascór pròpria cuma lò, fisâ cun laperversiòṅ cuntàda in dal sò rumànś. Al decìd acsè 'd andàr a cà sua cunGianni sèg. Rivâ lè, i dū i s divìdan eGianni al sènt al crìtic dir «A i ò cupàdi tuti mè» prima ad ciapàr-'s un cólp ad manàra in dal crani. Turnâ in présia in si sò pas, al cataPeter par tèra ch'al gh diś 'd avér ciapâ na śgiarunàda in tèsta p'r òpra dal sasèṅ ch'l éra drē a scapàr via.
In cal méntar la muróśa americàna adNeal, laJane McKerrow (Veronica Lario), la riva aRóma par star insém a 'l sò amàntBullmer. I dū i s dànan apuntamènt p'r al dè dòp in na piàsa dal quartēr ma pròpria lè 'l óm al s ciàpa dal curtlàdi in dla pansa e al mōr. Su indicasiòṅ dal capitàṅGermani (Giuliano Gemma), ch'al tîṅ a drē a gl'indàgini,Peter al decìd ad śluntanàr-as da lē par mét'r-as a 'l sicûr méntarGianni al vèṅ strusâ cun na lasa in dla sò màchina parchè 'l iva capî, turnànd in dla vila adCristiano, ch'a gh'éra quél ch'a traśàva, parchè al manìac 'l éra lò e qualchidòṅ àtar al 'l iva masâ.
In mèś a cal masèl lè, laJane, ch'la s catàva in piàsa cun al sò scarpi rósi adòs che qualchidòṅ al gh'iva regalâ al dè prima, la dmanda par telèfun a 'lAnn ad gnir a catàr-la a cà adBullmer parchè la gh'à da cuntàr-ag quèl e dir-ag parchè l'à fat cal ròbi lè.
| Film adDario Argento | |
|---|---|
| An 1970 | L'uccello dalle piume di cristallo (1970) •Il gatto a nove code (1971) •Quattro mosche di velluto grigio (1971) •Le cinque giornate (1973) •Profondo Rosso (1975) •Suspiria (1977) |
| An 1980 | Inferno (1980) •Tenebre (1982) •Phenomena (1985) •Opera (1987) |
| An 1990 | Due occhi diabolici (1990) •Trauma (1993) •La sindrome di Stendhal (1996) •Il fantasma dell'Opera (1998) |
| An 2000 | Non ho sonno (2001) •Il cartaio (2004) •Ti piace Hitchcock? (2005) TV •La terza madre (2007) •Giallo (2009) |
| An 2010 | Dracula 3D (2012) |
