C'l artìcul chè 'l è scrit inMiranduléś |
 Switch | ||
| Nei panni di una bionda | ||
 L'Ellen Barkin in na figùra dal film | ||
| In di pagn dna biónda 1991 | ||
|---|---|---|
| Regìa:Blake Edwards | ||
| Scritōr: Blake Edwards | ||
| Atōr:Ellen Barkin •Perry King •Jimmy Smits JoBeth Williams •Lorraine Bracco •Kevin Kilner Victoria Mahoney •Lysette Anthony •David Wohl Catherine Keener •Bruce Payne •Tony Roberts | ||
| Müsica: Henry Mancini • Don Grady | ||
| Léngua:Ingléś | ||
| Dürä dal film:103 minüt | ||
| Nasiōṅ:Stat Unî | ||
Nei panni di una bionda (In di pagn dna biónda) 'l è na cumèdia americàna dal 1991 adBlake Edwards.
A i butghèṅ americàṅ 'l à fat al sò ingrès diretamènt in secónda puśisiòṅ, purtànd-'s a cà da piò ad quìndas migliòṅ ad dòlar in tut.
Steven Brooks (Perry King), un manager ad sucès ch'al lavóra in dal camp dla reclàm, al gh'à furtùna in dal sò mistēr ma anc cun al dóni che lò al dascàrga sèmpar dòp ésar-'s-i purtàdi a lèt, sénsa mai far-as di prubléma. Un dè chi lò al ricév na telefunàda da laMargo (JoBeth Williams), una dal sò ex, ch'la gh dmanda 'd andàr-la a catàr cla sira lè ch'la gh'à na surpréśa da far-ag védar. Rivâ a cà dla sò ex murōśa, al gh cata anc laLiz (Lysette Anthony) e laFelicia (Victoria Mahoney), atri sò dū dóni dna vòlta.Steven al s fà la bóca cun l'idéa 'd pasàr na nòt a far dal purcàdi sèg ma a n è minga acsè parchè al tri dóni i èṅ lè par cupàr-al, andgànd-al in dla vasca da bagn. Al spurcaciòṅ in un prim tèmp al la scampa ma pò al mōr listés quànd laMargo la gh tira tri cólp ad pistòla, mandànd-'l a c'l àtar mónd.
Steven al s cata acsè inPurgatòri in duaDio al gh diś che, s'al vōl andàr inParadìś, al gh'à da turnàr in sla tèra par pascàr na dóna ch'la gh vója bèṅ dabòṅ. Purtròp par lò alDiàvul al gh mét al sò śampèṅ e, par rénd'r-ag i quèi difìcii, 'l al fà dvintàr na dóna. Dòp ès'r-ag armàś,Steven al s fà pasàr p'rAmanda Brooks (Ellen Barkin), surèla adSteven.
