C'l artìcul chè 'l è scrit inMiranduléś |
LaMarina Eraković (Spàlat, 6 ad Mars dal 1988) l'è na tenìsta dlaŚelànda Nóva nada inCruàsia. L'è élta 174 cm, la péśa 65 chilo e la stà aAuckland.
La dróa al bras dèstar e la tira 'l arvèrs a dū maṅ. L'è prufesiunìsta da 'l 2006.
L'è stada la nùmar trénta-nóṿ dal mónd al 7 ad Maǵ dal 2012. In dla sò caréra l'à vins un turnèoWTA aMemphis e dódas ad qvéiITF.
LaMarina la s fà nutàr aAuckland in dal Śnar dal 2008 quànd la riva in semifinàl baténd laVera Zvonarëva. In Favràr la fà cumpàgn anc aMemphis, chè faghénd al qualificasiòṅ, ma pò la pèrd par 0-6 3-6 da laLindsay Davenport. In Mars la riva a 'l tèrs tùran aMiami (2-6 1-6 da laVenus Williams) e pò incóra in semifinàl aBirmingham (3-6 2-6 da laKateryna Bondarenko) e acsè la s insfìlsa in dal primi ssanta dal mónd. AWimbledon la bat laMichaëlla Krajicek e laJulia Görges e la riva a 'l tèrs tùran in dua la pèrd in tri sét da laTamarine Tanasugarn. La finìs mâl la stagiòṅ faghénd òt prim tùr'n ad fila, miténd-ag dènt'r anc gl'Ulimpìadi in dua la céd a la giapunéśaAyumi Morita par 7-5 6-7 4-6.
_(9618538038).jpg)
In dal 2009 la riva in di quàrt aMemphis ma pò la gh'à da star férma par sèt méś p'r un prubléma a 'n galòṅ, crudànd śò a 'l 240śum pòst. A 'l inìsi dal 2010 la mét in fila tri scunfìti ad fila aAuckland (4-6 3-6 da l'Alizé Cornet), aMelbourne (2-6 0-6 da laNa Li) e aPattaya City (6-7 5-7 daSybille Bammer) e acsè la strabùca incóra più śò. ABirmingham la riva in di utàṿ ma pò la pèrd da laSara Errani anc śugànd in sl'èrba.
In dal 2011 la s tira sù in clasìfica vinsénd tri turnèoITF da vintsìnc-mila dòlar ad fila. ARéś invéci la céd in di quàrt cun laSabine Lisicki par 3-6 7-5 2-6. In Luj la s tōś l'arvìnsida cun laSara Errani aBirmingham baténd-la in di utàṿ ma pò la céd in tri sét a laShuai Peng. In Luj aStanford la pasa 'l qualificasiòṅ e pò la manda a cà la nùmar quàtar dal mónd, laViktoryja Azaranka, in di utàṿ par pò èsar sćiancàda par 1-6 1-6 da laDominika Cibulková. ACarlsbad la dà la paga a dū rusi, l'Elena Bovina e l'Elena Vesnina, prima ad cédar a 'l secónd tùran cun laVirginie Razzano. In Setémbar la śōga la prima finàlaWTA dla sò caréra aQuebec City ma la la pèrd in tri sét cun laBarbora Záhlavová-Strýcová. La finìs 'l an a 'l ssantunéśum pòst.
In di prim quàtar turnèo dal 2012 la mùcia sù sōl di prim e di secónd tùran ma pò aMemphis la vins dimóndi baténd laSloane Stephens 4-6 6-0 6-1, l'Evgenija Rodina 6-3 6-4, laMichaëlla Krajicek 6-4 6-7 6-4 e laVera Duševina 6-1 4-6 6-4. Sōl in finàl cun laSofia Arvidsson la gh'à da pigàr la tèsta par 3-6 4-6. Dòp un bèl sucès, laMarina la tórna c'n i pē par tèra parchè aIndian Wells la i bèca subìt da laGalina Voskoboeva. Dòp un tèrs tùr'n aCharleston (2-6 2-6 da laSerena Williams), la riva in semifinàl aBùdapest pardénd par 2-6 4-6 da l'Elena Vesnina. Cun cal riśultâ chè la riva a 'l sòbest ranking (39śum pòst) ma aMadrid la i ciàpa da laPetra Kvitová. In Śugn la và fóra a 'l secónd tùran cun laRoberta Vinci aWimbledon. In Agóst la fà pèś a gl'US Open pardénd subìt cun lacarta salvàdgaKristina Mladenovic e la finìs lè la stagiòṅ.
L’Eraković la tórna in si camp in dal Śnar dal 2013 aAuckland vinsénd cun laStéphanie Dubois ma pardénd dòp cun laJamie Hampton par 1-6 6-7. APattaya City la s férma in di quàrt cun laSabine Lisicki c'n al puntéǵ ad 7-5 3-6 2-6. In Favràr però la s mét in bisàca par la prima vòlta un tìtulWTA aMemphis dand la paga via via a l'Annika Beck, a laSofia Arvidsson, a laJamie Hampton, a laStefanie Vögele e a laSabine Lisicki ch'la gh dà sù dòp avér pardû al prim sét par 1-6. LaMarina la riva pò a 'l tèrs tùran a 'lRoland Garros (baténd laDominika Cibulková e pardénd cun laSloane Stephens), aBirmingham (6-7 3-6 da laFrancesca Schiavone) e aWimbledon (6-1 5-7 3-6 da laLaura Robson). In Agóst la bat subìt laCarla Suárez Navarro aCincinnati ma pò la céd in tri sét a laPetra Kvitová. In Setémbar la śōga n'atra finàlaWTA aQuebec City ma la céd par 4-6 3-6 a laLucie Šafářová.
In dal 2014 la pèrd subìt aAuckland e aHobart. AMelbourne la vins a 'l prim tùran cun laSorana Cîrstea par 6-4 7-6 ma pò la và fóra cun la qualificàdaZarina Dijas.
