C'l artìcul chè 'l è scrit inMiranduléś |
LaMadison Keys (Rock Island, 23 ad Mars dal 1995) l'è na tenìsta americàna, prufesiunìsta da 'l 2009. L'è élta 178 cm e la péśa 66 chilo. La dróa al bras dèstar e la tira 'l arvèrs a dū maṅ. La stà aBoca Raton (Flòrida).
Al sò cólp preferî 'l è al servìsi e la s cata bèṅ a sugàr in sal cimènt. A gh piàś dimóndi magnàr di ślâ e bévar dal the a 'l pèrśag.
In dla sò caréra l'è rivàda a èsar la nùmar ssanta-dū dal mónd 'l 8 'd Avrìl dal 2013 e l'à vins tri tìtuiITF. L'è arcurdàda anc p'r èsar stada una dal tenìsti più śōvni (a quatòrd'ś an e quarant'òt dè) a vìnsar 'n incóntar dal sircùitWTA aPone Vedra Beach in dal 2009, qvél cóntar l'Alla Kudrjavceva in alóra nùmar utànt'òṅ dal mónd.
In dal 2010 la śōga in dal sircùitITF in dua la vins aCleveland e la riva in finàl aBayamon. In dal 2011 i gh dànan nacarta salvàdga par śugàr aMiami e lē la pèrd subìt ma lutànd dimóndi cóntar laPatty Schnyder par 3-6 6-1 7-6. Stés quèl anc a gl'US Open ma chè la riva a 'l secónd tùran in dua la pèrd da laLucie Šafářová par 6-3 5-7 4-6.
In dal 2012 la s qualìfica p'r al turnèo adMiami ma pò la céd nét a 'l secónd tùran a l'Agnieszka Radwańska cun al puntéǵ ad 1-6 1-6. In Agóst la fà 'n prim tùran aCincinnati (3-6 3-6 da laRoberta Vinci). In Utóbar la vins 'lITF adSaguenay e pò la śōga qvél adNew Braunfels in dua la bat 3-6 6-4 6-4 l'itagliànaCamila Giorgi in di quàrt par pò pèrdar da laMelanie Oudin 4-6 3-6. In Nuvémbar, vìnsénd 'lITF adPhoenix (baténd, fra gl'atri, laBethanie Mattek-Sands e laMirjana Lučić-Baroni) la dvénta la nùmar 149 dal mónd, in cunfrònt a 'l 315śum pòst d'l an prima.
In dal 2013 la taca dimóndi bèṅ 'l an rivànd in di quàrt aSydney baténd laLucie Šafářová e laJie Zheng par pò cédar p'r un pēl a laNa Li 6-4 6-7 2-6. A gl'Australian Open la pèrd a 'l tèrs tùran cun la nùmar sinc dal mónd, la tedéscaAngelique Kerber. AIndian Wells e aMiami la fà sù dū secónd tùran, mént'r aCharleston la śōga i quàrt pardénd 4-6 4-6 da laVenus Williams ma baténd in di utàṿ lacarta salvàdgaBethanie Mattek-Sands par 7-6 6-4.
