C'l artìcul chè 'l è scrit inMiranduléś |
AlBòṅ dal Teśôr (in itagliàṅBuono del Tesoro Poliennale oBtp) 'l è un sertificâ ad dèbit ch'al scad da 'd là 'd 'n an da quànd 'l è stâ fat.
I BTP vindû dal Stat Itagliàṅ i èṅ negusiâ a 'lMarcâ Generàl di Tìtui ad Stat par dal sómi ch'i vaṅ ad sóvar di 2,5 migliòṅ 'dEuro e a 'lMarcâ Telemàtic di Ubligasiòṅ e di Tìtui ad Stat (cgnusû méj cumaMOT) p'r i lòt più pìcui.
Al tìtul al gh'à sèmpar na vita ad soquànt an (ad sòlit cun dal scadénsi ad 3, 5, 10, 15 o 30 an) e al fruta di rendimènt anuài pagâ ógni siē méś (par far 'n eśèmpi, un BTP al 6% al paga dū vòlti gl'interès dal 3% semestralmènt). Al rendimènt 'l è dat dal tas fis dla sédula e dla difarénsa fra 'l prèsi 'd emisiòṅ e quél dla restitusiòṅ. A s trata 'd un tìtula capitàl garantî, dgénd-al in n'atra manéra a vōl dir ch'a la scadénsa al Stat al dà indrē tut al valōr numinàl.
Al prèsi 'd un BTP 'l è dat da la sóma dal valōr 'd adès dna réndida dada dòp, cun al rati ch'i èṅ fati sù miténd insém al valōr fis dla sédulaC cun al valōr 'd adès dal valōr numinàlV ch'a s turà a la scadénsa:
cuntas intèran ad rendimènt (T.I.R).
Cgnusû al prèsi, al tèmp ad vita dal tìtul, al valōr numinàl e la sédula, s'a s vōl calculàr alT.I.R 'l è pusìbil far-al druànd di prugràma infurmàtic. Par far 'n eśèmpi, alTIR 'd unBTP cun valōr numinàl ad 100, sédula 'd 'n an ad 10, prèsi ad 98 e an 5 'l è pari a un rendimènt dal 10,6%.
Esénd alBTP un strumènt cun dal séduli a tas fis, al và incòntar a di squasamènt ad prèsi durànt la sò vita, tant più grand quànt 'l è la sò duràda. A s pōl dimustràr che quànd alTIR al và sù, al prèsi al và śò, e via dascurénd.
Gl'emisiòṅ i vènan fati dū vòlti a 'l méś cun n'asta marginàla, cun di taj mìnim ad 1.000 €. L'è laBanca 'd Itàglia ch'la s fà càrag ad vénd'r-i in si marcâ. Al Teśôr, par cal servìsi lè, al dà a la banca sentràla na bòna maṅ dal 0,20% p'r al tìtul ad tri an, dal 0,30% par quél ad quat'r an e dal 0,40% par quéi più lung. La cumisiòṅ la vèṅ pò dada in càrag a gl'intermediàri ch'i faṅ l'asta, cunsiderànd al fat che chi lōr i n pōlan minga dascargàr-la in di cunfrònt di cliènt.
Dal 2003 a gnir a 'dès i nòstar bòṅ i èṅ stâ rimpiasâ par di bòṅ indiciśâ a l'inflasiòṅ europea (BTP€i).
P'r avér n'idéa dal rendimènt 'd un bòṅ dal teśôr, al s pōl cumparàr-al a quél tedésc a déś an, ciamâBund. La difarénsa dal rendimènt al s ciàmaSpread. Quand al tas di Bòṅ dal Teśôr al résta élt par tròp tèmp (ad sōvar dal 7% / 8%) al Stat ch'al i à fat al n pōl far àtar che andàr a gambi a 'l ària parchè al n è minga bòṅ ad dar indrē tut i bèsi, avénd da pagàr di interès tròp élt (quànd un Stat a n gh la cava briśa a pagàr i sò dèbit a ś diś ch'l è andâ inDefault).
