C'l artìcul chè 'l è scrit inMiranduléś |
 Gaslight | ||
| Angoscia | ||
.png) Charles Boyer e la Bergman in na figùra dal film | ||
| Angùstia 1944 | ||
|---|---|---|
| Regìa:George Cukor | ||
| Scritōr: Patrick Hamilton • John van Druten Walter Reisch • John L. Balderston | ||
| Atōr:Charles Boyer •Ingrid Bergman •May Whitty Joseph Cotten •Emil Rameau •Angela Lansbury Barbara Everest •Edmund Breon •Jakob Gimpel Heather Thatcher •Halliwell Hobbes •Frank Baker | ||
| Müsica: Bronislau Kaper | ||
| Léngua:Ingléś | ||
| Dürä dal film:114 minüt | ||
| Nasiōṅ:Stat Unî | ||
Angoscia (Angùstia) 'l è 'n thriller dal 1944 'dGeorge Cukor girâ in biànc e négar afracimènt dna pelìcula britànica dal 1940 ch'la gh'iva 'l stès nóm (Gaslight) giràda parThorold Dickinson. 'L è stâ preśentâ fóra cuncōrs a la prima edisiòṅ dalFèstival ad Cannes.
In mèś a gl'atōr prutagunìsta,Charles Boyer, l'Ingrid Bergman eJoseph Cotten, a gh'è anc na śōvnaAngela Lansbury ch'in alóra la gh'iva daśdòt an e che par cl'òpra chè l'è stada numinàda a iPrèmi Òscar cuma atōra minga prutagunìsta, sénsa vìns'r-al, mént'r invéci laBergman la gh l'à cavàda.
Custâ dū migliòṅ ad dòlar a 'l incìrca, al 'n à pò fat sù quàt'r e siē.
Dòp al masamènt dl’Alice Alquist, na famóśa cantànta dla lìrica, sò anvōdaPaula (Ingrid Bergman) la và a star inItàglia par studiàr cant c'n al stés insgnànt ad sò sîna e par pruàr a daśmindgàr cla daśgràsia là in dua lē, sinténd di rumōr, 'l iva fat scapàr via 'l sasèṅ sénsa ch'al fus bòṅ ad śgranfgnàr quèl.
Un dè la ragàsa la cgnós al sunadōr ad piàṅGregory Anton (Charles Boyer) e al la spóśa andànd a star sèg aLóndra pròpria in dla cà dl’Alice. A sucéd pò ch'laPaula la cata na létra mandàda da 'n tisi ciamâSergio Bauer a sò sîna dū dè prima d'l umisìdi. QuàndGregory 'l al vèṅ a savēr al s incàsa dimóndi ma pò al gh admànda pardòṅ. Piàn piàṅ i quèi i tàc'n a tōr na bruta pîga par la dóna parchè i gh sucédan di fat strâṅ: la pèrd na spila, i gh sparìsan di quàdar, la sènt di stus vgnir da 'ltasèl mòrt, al lucèrni i gh'aṅ di cai ad luś e i gh càtan 'n arlój rubâ in dla sò burséta. LaPaula la taca a 'ndàr fóra 'd tèsta.
In cà la śōvna dóna di fat, laNancy Oliver (Angela Lansbury), la gh dà adòs, quànd la dascór sèg la gh'à sèmpar na ghigna schivàda. Sōl al pulisiòt adScotland YardBrian Cameron (Joseph Cotten) 'l è da la sò banda. C'n al sò ajùt la dóna la capìs cheBauer e sò marè i èṅ la stésa parsòna.
