Republik Islam Pakistan toi ko' lobi oitutunan sabaagiPakistan (Urdu :اسلامی جمہوریۂ پاکستان), nopo nga iso pogun ii poingion id Asia Kabaatan. Pogun diti nopo nga haro rulud disan rahat 1,046 kilometer (650 batu) id Rahat Arab id kabaatan, om miwolit doAfghanistan om Iran id kotonobon, India id kosilahon om Chinan id kosilahon rahat tosodu.
Kogumuan mogigion id Pakistan nopo nga Muslim Sunni. Pakistan nopo nga iso pogun koonom miampai mogigion id bobos togumu id pomogunan om pogun koduo ii haro mogigion ii kiugama Islam id bobos togumu id pomogunan kahapas do Indonesia.
Id kopio nopo nga Pakistan soboogian do India om nabaagi kumaa Pakistan Kotonobon om Pakistan kosilahon, id timpu di baino oilaan sabaagi Bangladesh.
Pakistan nopo nga koumbal pinorinta do British om nokosiliu do sobogiaan mantad India British ii poinglongkod od Delhi. Koiyonon tamadun douluMohenjo Daro ii poingion id Lemah Indus, Pakistan. Lemabangan diti nopo nga koumbal do pinorinta ahod Parsi om Greek. Kinoiyonon Pakistan kahapas dii nopo nga pinorinta do ahod Arab, Turki, Baloch om Mongol
Pakistan nopo nga pongonibaan mantad borosPunjab,Afghan,Kashmir,Islamabad,Sindh om Balochistan. Istilah diti nokotimpuun do pinointutun ontok 1934 mantad Choudhary Rahmat Ali id risalah 'Now or Never'. Pogulu noilaan sabaagi Dominion of Pakistan ontok toun 1947. Kaawagu nosimbanan kumaa Republik Islam Pakistan ontok 1956. Pimatoi noruhangan id akronim dii montok poposonong kopomolombusan.
Piipiro mananganu koumbal do momorinta watas diti. Ahod manganu dii kohimpit do Harappa, Parsi, Yunani, Saka, Parthia, Kushan, White Hun, Arab, Turki om Mughal.
Sajara pogulu
Lembangan Indus koumbal do nabaagi kumaa piipiro kalajaan purba, poingamung nogi Mehrgarh, iso kakadayan purba osopung do noilaan, om Tamadun Lembah Indus idHarappa omMohenjo-daro.
Tamadun Lembah Indus naraag ontoh pintangaan alaf koduo SM om notonudan do Tamadun Vedik ii dumimpot soboogian tagayo dataran Indo-Ganges.
Id sorili ohotusan ko limo gisom koturu Masihi, Dinasti Rai mantad Sindh monorupu do kinoiyonon diti. Dinasti Buddha tohuri ii minonorupu do kinoiyonon diti nopo nga Empayar Pala ii minomorinta do kinoiyonon diti om koibutan India om Bangladesh moden masaan pomorintaan Dharmapala om Devapala. Sindh nopo nga nongoi di Muhammad ibn Qasim ontok 711 M om nokosilu titik kotimpuunan zaman Islam id Pakistan.
