Empirisisme nopo nga iso woyofalsafah it kaanu poposotol do toinsanai koilaan aanu mantad koinganan. Mantad di, woyo pomusarahan diti popousul do kopoilaan do koilaan kokomoi pomogunan nopo nga milo huyadon tumanud do koinganan no. Epicurus, songulun tokohYunani nakaanu papalaab do falsafahrasionalisme di poposotol do pacaindera nopo nga impohon do koilaan di otopot. Kopoilaan dilo nogi nga naanu sinokodung do tinimungan filasafatstoikisme, ii koboros do toinsanai tulun nokolodi miagal ko kobog topurak ii monorimo do worok montok mongowotik di pomusarahan om ginawo diolo. Wotik diti no ii kaanu momorun do imej sosongulun gisom popoimbulai do pomusarahan-pomusarahan pointantu. Epicurus om stoikisme otumbayaan do tadon koilaan nopo nga mantad koinganan om okon ko mantad pomusarahan.
Tokoh Kotonobon moden ii nakaanu popoburu do empirisisme nopo nga iiJohn Locke (1632-1714), ii nokoboros do toinsanai tulun nolodi miampai pomusarahan di alangga om aiso nunu-nunu pogulu olongkitan do koinganan. Woyo pomusarahan diti sinokodung nogi diDavid Hume (1711-1776) om iiAuguste Comte. Timpu-timpu tabantug do empirisisme nopo nga norikot maso kinoimbulayan dopositifisme di pinointutun di Auguste Comte tumanud tolu teori proses sajara koulunan iri notu mantad taangteologi, tumilombus id taangmetafizik om kolimpupus id taangpositif. Id taang positif diti no kaaka oo iso taang di au no oponsol oo kaharaanugama om falsafah montok sosongulun di, nga lobi otumbayaan kumaa koilaan di naanu mantad koinganan positif ii no tu mantad pancaindera. Ahapas di, nokoilmbulai no oo neo-positifisme ii popotilombus do woyo pomusarahan mantad falsafah empirisisme di Comte. Neo-positifisme diti niburu do tinimunganVienne Circle ii minomungaran do woyo falsafah diolo sabaagi positifisme logik toi ko empirisisme logik. Koburuon falsafah positifisme id bontuk di ekstrem nakaanu pinopoimbulai do falsafahsensasionalisme, ii no tu iso woyo pomusarahan di popohimagon di indera nopo nga iso no toud koilaan di bobos totopot. Tokoh-tokoh id falsafah sensasionalisme diti nopo nga mantad idPerancis miagal ko iiCondillac (1715-1780),Helvitius (1715-1771). Id saralom monoguang do pisaapan do tinimungan rasionalis om emperisis, nokoimbulai no di kagu oo falsafahidealismeImmanuel Kant it mumbal popirolot om popiiso do roromu mantad rasionalisme om emperisisme sabaagi duo aspek di sompi migonop kumaa iso om iso. Montok di Kant, goduduo falsafah diti otopot id konteks diolo. Mantad di, Falsafah idealisme Kant nabarasan di iso raan epistemologi ii kiula osuhat, sabab naasil mantad sintesis mantad rasionalisme om empirisisme. Kant nakaanu poposotol id buuk dau,Critique of Pure Reason.
- Pomusarahan di aiso suang nopo nga kusung, persepsi di ingga konsep nopo nga bolou...korotian au popokito do nunu-nunu, deria au kaanu momusorou nunu-nunu. Koilaan koimbulai soira goduduo aspek dilo kopiso.
