Tuvalu jo mały kupowy stat wŚichem oceanje. Wón bu w lěśe1978 njewótwisny wótZjadnośonego kralojstwa, wóstanjo pak až do źinsajšnego z cłonkomCommonwealtha. Z něźi 10.000 wobydlarjami a pśestrěnju wót jano 26 km² jo Tuvalu tśeśi nejmjeńšy stat na swěśe nastupajucy wobydlaŕstwo a stwórty nejmjeńšy pó pśestrěni. Až do njewótwisnosći se jo gronił teritorijEllice Islands.
Mě kraja wóznamjenijo „wósym kupow“, dokulaž jo było až k wobsedlenju nejwěcej pódpołdnjoweje kupyNiulakita w lěśe 1949 jano wósym wobsedlonych.
Tuvaluske kupy su wót něźi 2000 lět wobsedlone. Prědny europski nadejźaŕ, kótaryž jo w lěśe 1568 na kupy dojšeł, był ŠpanijaŕAlvaro de Mendaña de Neyra. Akle 1861 jo zachopił sepókśesćijańšćenje wobydlarjow z pśijězdom prědnego britiskego misionarja. Južo 16 lět pózdźej su dojšli kupy w lěśe 1877 pód britiske zastojnistwo a wót 1915 byli zgromadnje ze susednymi Gilbertowymi kupami – źinsajšnym Kiribatijom – oficielnje britiska kolonija.
W lěśe 1974 su rozsuźili se wobydlarje za wótźělenje wót Gilbertowych kupow a njewótwisnosć ako pśidatny stat. Wót lěta 2000 jo Tuvalu ze cłonkomZjadnośonych narodow.
Tuvalu njejo w žednom wójaŕskem zwězku organizěrowany, daniž ma swójske wójsko.
Wót lěta 2002 ma Tuvalu cełkownje wósym kilometrow asfaltěrowaneje drogi a z tym nejkrotšu nadroznu seś na swěśe. Wót lětanišća we Funafuti dawa liniju doFidžija. Wobchad mjaz kupami pśewjeźo se z pśewóznymi cołnami.
_(Polynesia_centered).svg)
