Tıb lızgeyê weşiyano ke weşiya merdıman sero guriyeno. Key ke weşiya merdımi şıkiyena û merdım beno nêweş, o taw tıb kewno miyan, merdımi keno hewl, weşiya merdımi reyna ano heruna cı, merdım tedawi keno. Teberê nêweşiyan de merdımo ke beno dırbetın, o taw zi tıb merdım keno hewl. Tıb yew ra vêşi lızgeyan ra yeno pêra, disiplino disiplinanmiyanêno (multidisiplinelo). Tıb sistemê tenê merdımi de çiyê ke raşt nêşıno, inan vêneno û veceno ro awe ser û dıma zi domê hewlkerdışi vıraziyeno.
Verênde, miyanê zemanê verênan ra na taw tıb merdıman miyan de ca gırewto. Raveri merdıman herbalizm (vılıkan gurenayış) û ganiyan (heywan) gurenayış û inan ra şifa diyayış sero geyrayê cı. Roc be roc merdıman tıb rasno cı, vêşêri Mısır, Hindıstan, Çin, Yunanıstan û İran de tıb de aver şiyo. İnan ra tepeya zi tıb resayo cayanê binan. Kamci merdımo ke tıb waneno û musayışê tıbi vêneno, cı radoktor vaciyeno. Doktori Suwendê Hipokrati wanenê ke ê weşiya nêweşi hewl kerê.
Zıwananê Ewropaki de tıbi rêLatinki ra 'medicina' vaciyena,Erebki de vanê الطِّبُّ (el-tibb) û zıwananê İrankiyan de zi tıbi rêpêzeşki (پزشکی). vaciyeno.
