| Peter Mayhew | |
|---|---|
 | |
| Ganwyd | Peter William Mayhew  19 Mai 1944 Barnes |
| Bu farw | 30 Ebrill 2019 Boyd |
| Dinasyddiaeth | y Deyrnas Unedig,Unol Daleithiau America |
| Galwedigaeth | actor ffilm, cynorthwyydd nyrs,actor, actor teledu |
| Taldra | 218 centimetr |
| Gwefan | http://www.chewbacca.com |
Actor oLoegr a ddaeth yn ddinesydd yrUnol Daleithiau oeddPeter William Mayhew (19 Mai1944 –30 Ebrill2019) a oedd yn fwyaf adnabyddus am bortreaduChewbacca yn y gyfres ffilmStar Wars. Chwaraeodd y cymeriad mewn ymddangosiadau byw o'r ffilmwreiddiol yn 1977 hyd atThe Force Awakens yn 2015 cyn iddo ymddeol o'r rôl.
Ganwyd Peter Mayhew ar 19 Mai 1944 ynBarnes,Surrey.[1] Nid oedd ei daldra o ganlyniad i gigantiaeth; "Does gen i ddim y pen mawr", meddai Mayhew pan ofynnwyd iddo am achos ei daldra.[2][3] Ei daldra uchaf oedd 7 troedfedd 3 modfeddi (2.21 m).[4]
Cafodd Mayhew ei swydd actio cyntaf ym 1976 pan fe'i ddarganfyddwyd gan gynhyrchwyrSinbad and the Eye of the Tiger mewn erthygl papur newydd am ddynion â thraed mawr, ac fe'i ddewiswyd i chwarae rôl yminotaur.[5][6]
Wrth gastio ei ffilmStar Wars gyntaf, roedd y crëwrGeorge Lucas angen actor tal a allai chwarae rhan yr aliwn blewog Chewbacca. Yn wreiddiol roedd yn ystyried y corffluniwr 6 troedfedd 6 modfeddi (1.98 m) David Prowse, ond dewisodd Prowse chwaraeDarth Vader. Yn dilyn proses o chwilio gan Lucas, darganfu Mayhew, a oedd yn gweithio fel cynorthwywr yn adran radioleg YsbytyColeg y Brenin, Llundain,[7] a dywedodd mai'r unig beth oedd rhaid iddo ei wneud i chwarae rhan Chewbacca oedd sefyll.[8][9]
Chwaraeodd Mayhew ran Chewbacca mewn pum ffilmStar Wars: y drioleg wreiddiol (Star Wars,The Empire Strikes Back aReturn of the Jedi ),Star Wars: Pennod III - Revenge of the Sith aStar Wars: The Force Awakens.[10] Chwaraeodd y rôl yn y ffilm deleduStar Wars Holiday Special yn 1978 ac mewn ymddangosiad yn 1980 arThe Muppet Show. Cofnododd hefyd ddeialog ar gyfer pennod olaf Cyfres 3 "StarWars: The Clone Wars" sef "Wookiee Hunt".[11][12]
Chwaraeodd Mayhew y rôl mewn hysbysebion, gwnaeth ymddangosiadau mewn ysbytai i blant sâl, ac ymddangosodd fel Chewbacca y tu allan i ffilmiauStar Wars. Cafodd Mayhew, yn ymddangos fel Chewbacca, ei anrhydeddu â Gwobr Cyflawniad Oes yng Ngwobrau Ffilm MTV 1997.[13] Yn ogystal, cafodd ei anrhydeddu pan ryddhawyd yPlayStation Portable newydd pan wisgodd fel Chewbacca a dal fyny fersiwn newydd y PSP.[14]
Gwnaeth hefyd ymddangosiadau eraill ar y cyfryngau heb chwarae Chewbacca. Ymddangosodd ar raglenNBC,Identity, lle'r oedd ei hunaniaeth yn seiliedig ar y ffaith iddo chwarae Chewbacca a roedd yn westai cyson yn nyddiau cynnarSlice of SciFi.[15]
Tra bod Mayhew wedi portreadu Chewbacca ynStar Wars: The Force Awakens, nid oedd ynStar Wars: The Last Jedi ond fe'i rhestrwyd yn y credydau fel "Chewbacca Consultant".[16] Ymddeolodd Mayhew o chwarae Chewbacca oherwydd problemau iechyd. Rhannodd Mayhew y gwaith o bortreadu Chewbaca gyda Joonas Suotamo ynStar Wars: The Force Awakens, a cymerwyd y rhan gan Suotamo mewn ffilmiauStar Wars a ddilynodd.[17][18]
Y tu allan iStar Wars, ymddangosodd Mayhew yn y ffilm arswyd arswydTerror (1978), a gyfarwyddwyd gan Norman J. Warren.[19][20] Yn fersiwn SaesnegDragon Ball GT: A Hero's Legacy, lleisiodd y cymeriad Susha[21] Ymddangosodd hefyd ynYesterday Was A Lie.[22]
Ysgrifennodd Mayhew ddau lyfr ar gyfer gynulleidfa iau:Growing Up Giant,[23] sy'n esbonio mai cryfder yw bod yn wahanol nid gwendid, a'r llyfr gwrth-fwlio i blantMy Favorite Giant.[24]
Roedd Mayhew yn byw gyda'i wraig Mary Angelique ("Angie") yn Boyd, Texas,[25] ac roedd yn berchennog busnes. Cafodd ei dderbyn yn ddinesydd o'r Unol Daleithiau yn 2005 mewn seremoni ynArlington, Texas.[26][27] Mewn cyfweliad gydaFort Worth Star-Telegram dyweddodd nad oedd wedi cael medal yn y seremoni hon chwaith, cyfeiriad at olygfaStar Wars lle mae Luke Skywalker a Han Solo yn derbyn medalau ond nid Chewbacca. Nododd Mayhew mewn cyfweliadMTV, er nad yw Chewbacca yn cael medal yn y ffilm, mae ef sy'n cael y llinell olaf, pan mae'n bloeddio.[28]
Cafodd Mayhew lawdriniaeth amnewid pen-glin dwbl yn 2013.[29] Ym mis Ionawr 2015, aeth Mayhew i'r ysbyty am gyfnod byr, ger ei gartref ynTexas, oherwydd pwl oniwmonia.[30][31] Ym mis Gorffennaf 2018, cyhoeddodd Mayhew drwyTwitter ei fod wedi llwyddo i gael llawdriniaeth asgwrn cefn amhenodol i wella ei symudedd, a'i fod yn gwella.
Bu farw Mayhew odrawiad ar y galon ar 30 Ebrill 2019 yn ei gartref yn Boyd, Texas, yn 74 mlwydd oed.[32]
| Blwyddyn | Teitl | Rhan | Nodiadau | Cyf. |
|---|---|---|---|---|
| 1977 | Sinbad and the Eye of the Tiger | Minoton | Heb gydnabyddiaeth | [5] |
| Star Wars | Chewbacca | [10] | ||
| 1978 | Terror | The Mechanic | [20] | |
| 1980 | The Empire Strikes Back | Chewbacca | [10] | |
| 1982 | Return of the Ewok | Fideo fer | [33] | |
| 1983 | Return of the Jedi | [10] | ||
| 1987 | Star Tours | Ffilm fer, heb gydnabyddiaeth | [34] | |
| 2004 | Dragon Ball GT: A Hero's Legacy | Susha | Rhan llais; Dyb Saesneg | [21] |
| 2004 | Comic Book: The Movie | Ei hun | [35] | |
| 2005 | Star Wars: Episode III – Revenge of the Sith | Chewbacca | [10] | |
| 2008 | Yesterday Was a Lie | Dead Man | [22] | |
| 2015 | Star Wars: The Force Awakens | Chewbacca | Rhannu'r rôl gyda Joonas Suotamo | [10] |
| 2016 | Killer Ink | Uncle Clyde | [20] | |
| 2017 | Star Wars: The Last Jedi | Ddim ar gael | Ymgynghorydd Chewbacca | [16] |
| 2018 | Solo: A Star Wars Story | [36] |
| Blwyddyn | Teitl | Rhan | Nodiadau |
|---|---|---|---|
| 1977 | Donny & Marie | Chewbacca | [37] |
| 1978 | Star Wars Holiday Special | Rhifyn Arbennig i deledu[38] | |
| 1980 | The Muppet Show | Pennod:The Stars of Star Wars[39] | |
| 1981 | Dark Towers | The Tall Knight | [20] |
| 1985 | The Kenny Everett Television Show | Amrywiol | Pennod #3.3[40] |
| 2011 | Star Wars: The Clone Wars | Chewbacca | Rhan llais; Pennod:Wookiee Hunt[41] |
| Glee | Pennod:Extraordinary Merry Christmas[42] |
|deadurl= ignored (help)|deadurl= ignored (help)|dead-url= ignored (help)|dead-url= ignored (help)|dead-url= ignored (help)