| Gari Williams | |
|---|---|
.jpg) | |
| Ffugenw | Gari Williams  |
| Ganwyd | Emyr Pierce Williams 10 Mawrth 1946 Llansannan |
| Bu farw | 18 Gorffennaf 1990 Ysbyty Walton, Lerpwl |
| Dinasyddiaeth |  Cymru |
| Galwedigaeth | digrifwr,actor,canwr, cyflwynydd teledu |
Digrifwr, canwr, actor a chyflwynydd oeddGari Williams (10 Mawrth1946 –18 Gorffennaf1990).
Fe'i ganwyd ymMryn Rhyd-yr-Arian gerLlansannan, yn fab hynaf i Harri Pierce a Nance Williams. Ei enw bedydd oeddEmyr Pierce Williams. Symudodd y teulu iLanrwst yn1956 ac iFochdre gerBae Colwyn yn1963.
Fe briododd Hafwen ar 17 Mai 1969 - ganed eu merch Nia yn 1977 a'u mab Guto yn 1988.
Cafodd ei daro'n ddifrifol wael yng Ngorffennaf 1990 ac fe'i cludwyd i Ysbyty Walton, Lerpwl, lle bu farw wedi gwaeledd byr.[1]
Cychwynnodd berfformio yn Ionawr 1969 yn canu gyda'i frawd Elwyn. Fe ddaethEmyr ac Elwyn yn ddeuawd poblogaidd ac fe ryddhaodd y ddau nifer o recordiau ar labelCambrian.[2]. Roedd Gari yn honni fod swilder ei frawd yn golygu fod rhaid iddo wneud y gwaith cyflwyno rhwng y caneuon, ac fe ddefnyddiodd hyn i ymarfer ei ddawn berfformio a chomedi.[3]
Yn 1974 fe ddaeth yn berfformiwr proffesiynol gyda mwy o bwyslais ar gomedi na chanu. Fe awgrymodd y digrifwrRonnie Williams iddo newid ei enw llwyfan i er mwyn gallu apelio at gynulleidfa ehangach ar draws Prydain - a dewisodd Emyr yr enwGari Williams.[1]
Yn 1976 cafodd y brif ran ym mhantomeimCwmni Theatr Cymru,Madog, ac fe ddaeth yn wyneb cyfarwydd iawn ar lwyfannau Cymru. Fe ymunodd â'r opera sebonPobol y Cwm yn 1979, gan chwarae'r mecanic Edgar Sutton. YnJabas, y gyfres ddrama deledu i bobl ifanc, roedd yn chwarae Sam Llonga, tad y prif gymeriad.[4] Ymddangosodd mewn nifer o gyfresi eraill fel y gomedi sefyllfaEric gydaStewart Jones aMyfanwy Talog a'r gyfres gomediHafod Henri.[5]
Yn yr 1980au fe ddechreuodd gyflwyno'r sioeGalw Mewn arBBC Radio Cymru. Sefydlodd ef a'i frawd Elwyn Vaughan Williams y cwmni cynhyrchuCwmni'r Castell ym 1981. Ar deledu cyflwynodd y sioe gomediGalw Gari arS4C o 1982 ymlaen, y cwisTwyllo'r Teulu yn ogystal â thair cyfres o sioe adloniantRargian Fawr. Darlledwyd y bedwaredd gyfres oGalw Gari yn 1990, misoedd cyn ei farwolaeth.[1][3]
Sefydlwyd Ymddiriedolaeth Cronfa Gari fel elusen yn 1991.[6] Bwriad y gronfa yw cynnig cefnogaeth ariannol i unigolyn neu unigolion sy'n dymuno canolbwyntio ar adloniant byw o flaen cynulleidfa Gymraeg.[1] Ers hynny mae wedi cefnogi nifer o ddigrifwyr a digwyddiadau comedi yn y Gymraeg, yn cynnwys sawl Gala Comedi yn yr Eisteddfod Genedlaethol.
![Emyr (Gari) Williams ar y chwith a'u tad yn y canol [Harri Pierce Williams] a'i frawd Elwyn ar y dde yn Eisteddfod Llanrwst 1961.](/mt/?noimg=&dark=on&url=https%3a%2f%2fcy.wikipedia.org%2fwiki%2fDelwedd%3aEisteddfod_Dyffryn_Conwy%2c_Llanrwst%2c_un_nodwedd_o%2527r_steddfod_hon_oedd_cwymp_y_babell_fawr_(1464044).jpg)
.jpg)
.jpg)
|access-date= requires|url= (help)