Cwmni dosbarthuffilmiau Americanaidd ywDreamWorks Pictures, sy'n eiddo iAmblin Partners. Fe'i sefydlwyd yn wreiddiol ar 12 Hydref 1994 fel stiwdio ffilm actio ganSteven Spielberg,Jeffrey Katzenberg, aDavid Geffen. Dosbarthodd y stiwdio ei ffilmiau ei hun a a rhai a gynhyrchwyd gan eraill.
Yn 2005 cytunodd y sylfaenwyr i werthu'r stiwdio iViacom, sy'n rhiant iParamount Pictures. Cwblhawyd y gwerthiant ym mis Chwefror 2006 ("DW Studios" yw enw'r fersiwn hon bellach). Yn 2008, cyhoeddodd DreamWorks ei fwriad i ddod â’i bartneriaeth â Paramount i ben a gwnaeth gytundeb i gynhyrchu ffilmiau gyda Grŵp Reliance Anil Dhirubhai Ambani India, a chafodd DreamWorks Pictures ei ail-greu fel endid annibynnol. Y flwyddyn ganlynol, ymrwymodd DreamWorks i gytundeb dosbarthu gydaWalt Disney Studios Motion Pictures, lle byddai Disney yn dosbarthu ffilmiau DreamWorks trwyTouchstone Pictures; parhaodd y drefn tan 2016. Ers 2016, maeUniversal Pictures wedi dosbarthu a marchnata'r ffilmiau a gynhyrchir gan DreamWorks Pictures. Ar hyn o bryd, lleolir swyddfedd DreamWorks ynUniversal Studios Hollywood.
Mae DreamWorks Pictures yn wahanol iDreamWorks Animation, ei hen adran animeiddio a gafodd ei ddeillio yn 2004 ac a ddaeth yn is-gwmni iNBCUniversal yn 2016. Mae cwmni Spielberg yn parhau i ddefnyddio nodau masnach gwreiddiol DreamWorks dan drwydded ganDreamWorks Animation.
