Rhanbarth hanesyddol ynNwyrain Ewrop ywBukovyna (Wcreineg: Буковина,Rwmaneg:Bucovina,Pwyleg:Bukowina,Almaeneg:Bukowina neuBuchenland) a leolir yng ngogledd-dwyrainMynyddoedd Carpathia, ar y ffin rhwngWcráin aRwmania.
Ynyr Oesoedd Canol, gwladychwyd yr ardal gan Foldafiaid (Rwmaniaid) aRwtheniaid, a daeth dan reolaethTywysogaeth Moldafia yn y 14g. BuSuceava, yn ne'r ardal, yn brifddinas Moldafia o'r 14g hyd at ganol yr 16g, pryd ddaeth Moldafia ynddarostyngedig i'rYmerodraeth Otomanaidd.
Ym 1774 ildiodd yr Otomaniaid y diriogaeth i'rFrenhiniaeth Hapsbwrgaidd. Cafodd Bukowina, neu Buchenland, ei gweinyddu fel ardal filwrol nes iddi gael ei hymgorffori ym 1786 yn rhan oDeyrnas Galisia a Lodomeria—un o diroedd coronog y Frenhiniaeth Hapsbwrgaidd (Ymerodraeth Awstria wedi 1804)—fel Dosbarth Bukowina neu Ddosbarth Czernowitz. Ym 1849, dyrchafwyd y rhanbarth yn Ddugiaeth Bukowina, a ddatganwyd yn un o diroedd coronogCisleithania ynAwstria-Hwngari (1867–1918). Câi Bukovyna ei hystyried yn rhanbarth strategol bwysig ar y ffordd drwy Fynyddoedd Carpathia o Galisia iDransylfania, ac aeth yr Awstriaid ati i ddatblygu'r brif ddinas, Czernowitz (bellachChernivtsi, Wcráin), yn ganolfan fasnach ac addysg. Ymdrechodd yr Awstriaid i gadw'r heddwch rhwng y Rwtheniaid, neuWcreiniaid, yn y gogledd a'r Rwmaniaid yn y de, a'r lleiafrifoedd ethnig—Almaenwyr,Pwyliaid, acIddewon—yn yr ardaloedd trefol.[1]
Wedi iDywysogaeth Rwmania sicrhau ei hannibyniaeth oddi ar yr Ymerodraeth Otomanaidd ym 1878, ceisiodd am gyfeddiannu Bukovyna, gan ddadlau bod y rhanbarth yn darddle hanesyddol Tywysogaeth Moldafia ac felly yn rhan annatod ofamwlad y Rwmaniaid. Yn sgil cwymp Awstria-Hwngari ar ddiweddy Rhyfel Byd Cyntaf ym 1918, meddiannwyd Bukovyna gan luoeddTeyrnas Rwmania. Er i rai o'r boblogaeth Wcreinaidd geisio ymgorffori eu hardaloedd yn y gogledd yn rhan oWeriniaeth Pobl Gorllewin Wcráin, llwyddodd Rwmania i ennill rheolaeth dros yr holl ranbarth yn ôlCytundeb Saint-Germain (1919). Yny cyfnod rhwng y rhyfeloedd, gorfododd y llywodraeth bolisi o Rwmaneiddio'r rhanbarth, gan gynnwys gwahardd yr iaith Wcreineg a'i diwylliant ac erledigaethEglwys Uniongred Wcráin.
Yn ystodyr Ail Ryfel Byd, meddiannwyd gogledd Bukovyna ganyr Undeb Sofietaidd ym Mehefin 1940; adenillodd y Rwmaniaid y diriogaeth yn sgilCyrch Barbarossa (1941). Ailgipiwyd gogledd Bukovyna ym 1944, ac ymgorfforwyd yr honno—Oblast Chernivtsi—yn rhan oWeriniaeth Sosialaidd Sofietaidd Wcráin yn swyddogol ym 1947.
