Minossu, in l'intarpritazioni di Michelangelu Buonarroti, da u ditagliu di uGhjudiziu Univirsali in aCappedda Sistina, rapprisintatu com'hè ghjudici infernali.
Minossu hè un parsunaghju di amitulugia greca, figliu di Zeus è diAuropa. Minossu fù un rè ghjustu è savviu diCreta. Par quistu mutivu, dopu a so morti, diventa unu di i ghjudici di l' inferni, incù Eacu èRadamantu. In i miti attici inveci hè dipintu com'è estremamenti tirannicu è crudeli. Si conta chì, in seguitu à a morti di u rè Asterioni, patri aduttivu di Minossu, eddu custruì un altari àPoseidonu in ribba à u mari, par dimustrà u so drittu à a succissioni à u tronu. Minossu prigòPoseidonu di invià li un toru par u sacrifiziu è u diu l'esaudì. Ma Minossu ùn sacrificò l'animali, postu ch'è era moltu beddu.Poseidonu, adiratu, feci innamurà di u toruPasifae, a moglia di Minossu. Da st'unioni nascì uMinotauru, mezu omu è mezu toru. Minossu incaricò dunquaDedalu di custruiscia un labirintu in u quali nasconda u mostru. Minossu ebbi ottu figli daPasifae: Catreu, Deucalioni, Glaucu,Androgeu, Acalla, Senodici,Arianna,Fedra. Ebbi inoltri Eussantiu da Dessitea, mentri da a ninfa Paria ebbi Filolau, Crisi, Eurimedonti è Nefalioni. U regnu di Minossu fù carattarizatu da ampii scontri incù i populi vicini, chì eddu riiscì à assughjittà. Cumbattì ancu contr'è Nisu, rè diMegara, chì t'avia un capeddu d'oru à u quali era liata a sorti di a so vita è di a so putenza. A figlia di Nisu,Scidda, si innamurò à u prima istanti di Minossu hè ùn esitò à introducia si di notti in a camara di u patri par taglià li u capeddu d'oru. Andò in seguitu da Minossu uffrendu li i chjavi diMegara è chirendu li di spusà la. Minossu cunquistòMegara ma ricusò di purtà incun eddu àCreta a parricida chì, presa da u scunfortu, si ghjittò in mari è annigò. Minossu attaccò ancuAtena, in seguitu à l'assassiniu di u figliuAndrogeu incausatu da u rèEgeu. Scunfitti l'atinesi, Minossu chersi ad eddi in tributu a cunsegna ogni novi anni di setti ziteddi masci è setti ziteddi femini, chì erani dati in pastu à uMinotauru. Tali sacrifiziu cissò solu grazia à l'intarventu diTeseiu, chì incù l'aiutu diArianna, riiscì à uccida uMinotauru. Sicondu u mitu Minossu fù uccisu in una vasca da bagnu inSicilia mentri era ospiti in a rocca di u rè sicanu Cocalu. U racontu hè statu ripresu da Diodoru Siculu in a Bibbiuteca storica chì narra com'hè a so lighjindaria tomba si truvava in sottu à un tempiu diAfroditi è com'è Teroni di Akragas avia accupatu quist'arghja sacra incù u prupositu ufficiali di vindicà l’uccisioni di u rè critesu.
