لە کاتیشەڕی ناوخۆیی سووریادا،یەکینەکانی پاراستنی گەل (یەپەگە) کۆنترۆڵی گەڕەکەکەیان گرتە دەست. دوور لەو گەڕەکانەی کەکوردەکان تێیدا دەژیان، شێخ مەقسوود ڕووبەڕووی ھێرشەکانیبەرەی نوسرە و گرووپە ئیسلامییەئۆپۆزسیۆنەکانی دیکە بووەوە کە گەڕەکەکەیان لە ھەموو لایەکەوە گەمارۆ دابوو جگە لە باشوور و ڕۆژاوا تاوەکو لە حوزەیرانی ٢٠١٦ لەلایەن ھێزە لایەنگرەکانی حکوومەتی ڕووخاوی ئەسەدەوە دەرکران، لەگەڵ ھەبوونی بەرەکانی شەڕ لەگەڵ گرووپە ئیسلامییە ئۆپۆزسیۆنەکان لە ڕۆژھەڵات.

گرووپە ئیسلامییە ئۆپۆزسیۆنەکان چەندین جار شێخ مەقسوودیان بۆردوومان کرد، کە بووە ھۆی وێرانبوونی موڵک و ماڵ و برینداربوون و گیانلەدەستدانی ھاووڵاتیان. لە مانگی ئایاری ٢٠١٦، بەڕێوەبەری ھەرێمی ڕێکخراوی لێبوردنی نێودەوڵەتی ئاماژەی بەوە کرد کە ھێرشەکانی سەر شێخ مەقسوود «تاوانی جەنگن». لە ناوەڕاستی حوزەیرانی ٢٠١٦، ھێزەکانی سووریای دیموکرات (کە یەکینەکانی پاراستنی گەل یەکێکە لە پێکھاتەکانی) کە لەلایەن ئەمریکا و ڕووسیاوە پشتیوانی دەکران، ھێزەکانی ئۆپۆزسیۆنی سووریایان تۆمەتبار کرد بە کوشتنی زیاتر لە ٤٠ ھاووڵاتی مەدەنی لەو مانگەدا، و کۆی گشتی ١٠٠٠ ھاووڵاتی مەدەنی، لە ڕێگەی بۆردوومانکردنی بێسەروبەری شێخ مەقسوودەوە.

دوای ئەوەی ھێزەکانی ڕێگری لە دەستدرێژی لە ٨ی کانوونی یەکەمی ٢٠٢٤ کۆنترۆڵی پایتەختیدیمەشق و زۆربەی ناوچەکانیسووریایان گرتە دەست،حکوومەتی سووریا لە ١٠ی ئازاری ٢٠٢٥ ڕێککەوتنێکی لەگەڵھێزەکانی سووریای دیموکرات بە سەرپەرشتی ئەمریکی-تورکی واژوو کرد، کە جێبەجێکردنی بڕگەکانی ڕێککەوتنەکە لە ٤ی نیسانی ٢٠٢٥ دەستی پێکرد دوای ئەوەی کاروانەکانی ھێزەکانی سووریای دیموکرات دەستیان بە کشانەوە لە گەڕەکەکە کرد بەرەو ناوچەکانی ژێر کۆنترۆڵی خۆیان لە ڕۆژھەڵاتی سووریا لەگەڵ پڕۆسەیەکی ئاڵوگۆڕی دیلەکان و دەستپێکردنی ھاتنە ناوەوەی دامەزراوە حکوومی و ڕێکخراوە مەدەنییەکان.^[٦][٧][٨]