Бе́лгород —Российн гӀала,Белгородан областанадминистративан центр. Бахархойн дукхалла 373 528 стаг (2013 шо).
Белгород — оьрсийн гӀала, дукхаха йолу меттигаш ю Северски Донец олучу хин аьтту бердаца, иза Дон чудогӀу хи ду. Белгород Москохах ворхӀ бӀе километр гергга ю, ткъа Оьрсийчоьнан-Украинин дозанах шовзткъа километр гергга бен яц. Белгородски кӀошт Украинца доза долуш ю, цундела украинахой шолгӀачу меттехь бу оцу территори тӀехь дехаш долу къам (оьрсашна тӀаьхьа). Верриг а Белгородан кӀоштахь бехаш бу бӀе гергга къаьмнийн векалш.
ГӀалин йистера Белгородски кӀошташна юкъайогӀу гӀалина гергахь лаьтта цхьа могӀа ярташ, къаьсттина Северный, Майский, Таврово, кхин а. Юкъарчу хьесапехь, Белгородехь а, цуьнан гонах а пхи бӀе эзар гергга стаг ву.
Белгород гӀала тӀеман сийлаллин гӀаланех ю; ХӀинцалера Белгород цӀена а, синтеме а гӀала ю;
Белгород-гӀалина юкъайогӀу ши кӀошт, Малхбузан а, Малхбален а олу, ткъа хьалха (1993 шо кхаччалц) Октябрьски а, Свердловскан а кӀошташ олуш хилла. ГӀала дика йоккха ю, цуьнан урамийн ерриг йохалла 4,5 бӀе километр сов ю.
ГӀалахь дуккха а инзаре меттигаш ю. Белгородехь дуккха а хаза шира гӀишлош ю, хьошалгӀа баьхкинчу нехан тидам тӀебохуьйтуш. Цу тайпана цӀеношна юкъахь ду XIX бӀешарахь дина совдегаран Селивановн цӀа, тахана цу чохь ши музей ю - энергетикан а, литературан а.
Оццу урамехь лаьтта совдегаран Гольцовн цӀа, иза а ду XIX бӀешарахь дина. Жимма жима ю дӀадаханчу бӀешеран юьххьехь йина мехкарийн спортзалан гӀишло. Иштта тидам тӀебахийта хьакъ ю XIX бӀешарахь кхоьллина йолу Белгород-Старооскол епархин гӀишло а, иштта Белгородера цхьайолу отелаш а. Белгородерчу хӀолламашна юкъахь къаьсташ ю 1999-чу шеран августехь схьайиллина йолу Русийн хих чекхвоккхуш волчу элан Владимиран ткъе ши метр декхаш йолу хӀоллам, ткъа ишттаКаӀабана лерина хӀоллам а бу.
Транспортан машанийн а, узелийн а агӀор хьаьжча, Белгород дикка кхиъна гӀала ю. Цигахь ю цӀерпоштнекъан ши вокзал, автовокзал, дуьненаюкъара авиастанци. ГӀалин чоьхьара транспорт гойту автобусийн а, троллейбусан а маршрутийн машано.
