Ur riez e norzhSuamerika eoSurinam, peSuriname hervez anv ofisiel ar vro, lec'hiet etreGwiana Frañs er c'hornôg haGuyana er reter. Un harz he deus gantBrazil , er su dezhi. Riez vihanañ Suamerika eo, haParamaribo eo he c'hêr-benn.
Dont a ra anv ar vro eus hini arstêr Suriname. Goloet eo ar vro gant koadeier.
Un darn eusImpalaeriezh trevadennel an Izelvroioù e voe adalek an XVIIvet kantved. Freuzet e oa ar sklaverezh e 1863. Dont a reas da vezañ ur rannvro emren izelvroat e 1954, met he dizalc'hidigezh a voe disklêriet e1975. Goude ur poutch e 1980 e oa ur brezel diabarzh etre 1986 ha 1992. Bremañ eoDesi Bouterse ar prezidant, an hini a oa kiriek da taol-stad 1980.
Disrannet eo Surinam e 10 bann
- Brokopondo
- Commewijne
- Coronie
- Marowijne
- Nickerie
- Para
- Paramaribo
- Saramacca
- Sipaliwini
- Wanica
|
|}
Un demokratelezh vonreizhel eo Surinam, diazezet war bonreizh1987.
Ar galloud lezennel a zo gant ar Vodadeg Vroadel, 51 ezel dilennet evit pemp bloaz enni. Penn ar stad eo ar prezidant. Dilennet eo evit pemp bloaz gant mouezhioù an div drederenn eus ar Vodadeg Vroadel da vihanañ. Ma ne c'hounez ket danvez prezidant ebet an div drederenn eus ar mouezhioù e voder urVodadeg ar Bobl aozet eus ar gannaded hag eus ar guzulierien-kêr pe rannvro. Ganto e vez dilennet ar prezidant neuze. Envel a ra ar prezidant 16 ministr. Ne c'hell ket bezañ kaset kuit ar prezidant kent fin e amzeriad.
