Dont a rae Ouranos, an Oabl, bemnoz, d'en em barañ gant Gaia, an Douar. Evel-se e voe engehentet anDitaned, c'hwec'h mab ha c'hwec'h mec'h, hag arGikloped, hag ivez anHekatonc'hired,ramzed o c'hant brec'h. Kasoni a vage Ouranos ouzh ar re-se avat, hag o dastum a reas pell dindan an douar, enTartaros, ma voe glac'haret o mamm Gaia.
Neuze e c'houlennas Gaia digant he mabKronos lazhañ e dad. Spazhañ e dad a reas Kronos ha diwar ar gwad a flistre e voe ganet arRamzed,Merc'hed ar Gonnar, hag arMeliadezed.
Taolet e voe strobelloù Ouranos er mor, ha diwar kej-mejgwad hasper haspoum eo e voe ganetAfrodite, doueez ar Garantez.
Ne oa kehelerezh ebet en-dro d'ar vojenn. Karg Ouranos a seblant bezañ arouez un doue trec'het eus un amzer gozh, a-raok deroù ar gwir amzer. Goude e spazhidigezh ne zeuas ket an Oabl ken da c'holoiñ an Douar da noz, chom a reas en e lec'h, hag echu gant an engehentiñ ha krouiñ euzhtud pe euzhviled.
Ne veze ket gwelet Ouranos evel un doue denheñvel, war-bouez e mojenn e gelloù stlapet er mor. Ne oa nemet an oabl, un doenn arem dalc'het gant an TitanAtlas.
