Edo kontelezhNaoned er marz savet gant rouaned ar Franked war harzoùBreizh dizalc'h. Aloubet e voe gantNominoe, kentañ roue Breizh, e851, hag anavezet e c'halloud gantfeur-emglev Angers. GantSalaun e voe kresket c'hoazh ar rouantelezh war-zu ar reter. Met ken bras e oa deuet ar vro da vezañ ma oa diaes da zifenn war un dro diouzh ar Franked hag ar Vikinged. Adal deroù anXvet kantved edo Naoned dindan gwarez konted Anjev. Daoust da se e voe aloubet gant ar Vikinged eus919 da937 a-raok bezañ kemeret gantAlan II. Goude-se e teuas Bro-Naoned da vout ur gontelezh, hag ar gonted anezhi a veze dalc'hmat o'n em gannañ gant konted Roazhon da c'houzout piv anezho a vije dug Breizh. Pep hini en devoa skoazellerien
Dre zimeziñ ez eas Naoned digant Tiegezh Kerne gant Tiegezh Anjev, ar re Plantagenêt, a-raok bout staget ouzh domani Duged Breizh enXIIIvet kantved.