 | |
| Dug Breizh | |
| Ren | 1040—1066 |
|---|---|
| A-raok | Alan III rejañs gantEozen Pentevr betek 1047 |
| Goude | Hoel II gantHawiz Breizh |
| Kont Roazhon | |
| Ren | 1040—1066 |
| A-raok | Alan III |
| Buhez | |
| Ganet | 1033-1034 Roazhon,Breizh |
| Marvet | 11 a viz Kerzu 1066 Château-Gontier,Kontelezh Anjev |
| Bez | Abati Sant Melaine,Roazhon,Breizh |
| Tiegezh | Roazhon |
| Tad | Alan III,dug Breizh |
| Mamm | Berta |
| Relijion | Katolik |
Konan II,dug Breizh, a oa ganet e Roazhon er bloaz 1030, hag a voe dug eus 1040 betek e varv en 1066.
Darn eus roueed haDuged Breizh o doa komprenet e vije aesoc'h da Vreizh mirout he frankiz ma vije kresket un tamm mat etrezek ar sav-heol. O fal oa eta gounit douar, da vihanañ betek ar stêr Vezven, da lavarout eo betek kêrioùLaval hagAñje. Konan II a voe unan eus ar re-se.
Ne oa nemet tri miz pa varvasAlan III e dad. E vamm,Berta, a renas da gentañ en e lec'h. MetEozen Pentevr, e eontr, breur Alan, a gemeras ar bugel. Menoz Eozen oa, hep mar, bezañ dug e-unan. Eneberezh tud uhel all, dreist-hollJafrez kont Roazhon, a viras outañ da gaout e c'hoant. Konan a voe kurunennet e 1048, pa ne oa nemet 8 vloaz.Ne renas e gwirionez nemet pa voe deuet d'an oad a 15 vloaz echu. Kerkent e rankas ober brezel da Eozen. Hemañ a voe trec'het e 1057. Neuze e voe ret ober brezel da Jafrez, mab Eozen. E 1062 hepken e voe graet ar peoc'h.Neuze e c'hoarvezas un dra iskis a-walc'h.Gwilherm, dug Normandi, a felle dezhañ bezañ ivez mestr Breizh. Konan, dugBreizh, a felle dezhañ bezañ ivez mestrNormandi. Pa voe gourc'hemennet da Gonan gant Gwilherm dont da douiñ sentidigezh outañ, Konan a roas urzh da Wilherm reiñ dezhañ Bro-Normandi, ha mont kuit da gemer Bro-Saoz ma karje: edo Gwilherm oc'h aozañ an dilestradeg e Bro-Saoz.Ha Konan da gerzhout diouzhtu betekDol, a oa dalc'het gantRiwallon, mignon da Wilherm. Gwilherm a zeuas da sikour Riwallon. Konan a gilas. Gwilherm, o krediñ en doa bet aon razañ, a zistroas d'e vro. Ha Konan da zont adarre, da gemer Dol, ha da gas e arme dirak Kastell-Gontier.
Hervez ar brud, Gwilherm a gargas un trubard da lakaat kontamm e korn-chase, brid-marc'h ha manegoù Konan[1]. Mervel a reas an dug d'an 11 a viz Kerzu 1066.[2].
Diaes-tre eo krediñ an istorioù-se, ken niverus, a dud kontammet. N'eus forzh penaos, ne vo anavezet ar wirionez biken. Pezh a zo, Konan a oa yaouank-flamm pa varvas.Er bloaz-se, Gwilherm a zouaras e Bro-Saoz hag a drec'has ar Saozon en Hastings. An huñvre gaer, sevel ur Stad vreizhek bras ha galloudus, a voe diskaret, ha diwar neuze ne voe spi ebet evit Breizh nemet klask tennañ he mad diouzh an tabutoù etre Bro-Saoz ha Bro-C'hall.
| En e raok: Alan III | Dug Breizh 1040 –1066 | War e lerc'h: Hoel II |