Marevezh diwezhañ anneoproterozoeg eo an ediakareg. En em astenn a ra eus 635 milion a vloavezhioù'zo betek 542 milion a vloavezhioù'zo. Tennañ a ra hec'h anv eus torgennoùEdiakara en Aostralia. An anv-se a oa bet implijet gant kalz klaskourien met ne voe roet dezhi en un doare ofisiel e 2004 hepken. Anvet e oaVendieg e Rusia ivez.
Divoutin eo ar maread-se peogwir n'eo ket merket e zeroù gant ur c'hemm en natur ar fosiloù. E fin an ediakareg hepken ez eas diwar-well an organegoù gwak o c'horf. Termenet eo kentoc'h ar maread gant ur gwiskad-raz a ziskouezfe ur chañch a hiniad. Bez ez eus un diouer a garbon 13 a verk fin ar mareadoù-skorn meur eus arc'hriogenieg. War-dro 635 milion a vloavezhioù'zo eo lec'hiet bevenn an ediakareg, diazezet war dielfennadurioù U-Pb eus reierNamibia haSina.
