Divi Kervella,Divy Kervella e marilh ar boblañs^[1] (21 a viz C'hwevrer1957 –28 a viz Kerzu2017) a oa uryezhoniour, ur geriadurour hag un troour brezhonek. Maketennour, da lavarout eo prientiñ levrioù evit an embann, e oa e vicher.

Disteroc'h e vije bet an embann brezhonek hep labour didrouz Divi Kervella.

E1957 e voe ganet Divi Kervella e-kichenPariz, daIvetig an Dred-Kervella haFrañsez Kervella. Breur eo daErwan Kervella,Riwanon Kervella hagAnnaig Kervella.
E1959 e tistroas an tiegezh da Vreizh, eTreger, ma voe desavet an holl vugale e brezhoneg.

ELannuon e voe skoliataet Divi betek ar c'hlas termen, hag ur wech tapet ar vachelouriezh gantañ ez eas daRoazhon d'ober studioù war argwir. Paouez a reas gante a-raok ar fin, ha goude-se e tremenas un aotreegezh war ar brezhoneg.

Gant Divi Kervella e voe troet arbannoù-tresetTroioù-kaer Tintin e brezhoneg evit an ti-embannAn Here.
EvitAl Liamm e labouras war daouzekvet embannadurGeriadur Hemon-Huon (2014).Bet eo Divi Kervella prezidantBodad ardamezouriezh Breizh ha prezidant ar gevredigezhBannieloù Breizh.

Diwar skouer e dud, a labouras a-hed o buhez evit difenn ar brezhoneg hag e gas war-raok, e ouestlas Divi Kervella e vuhez d'ar yezh.

Er gelaouennWanig ha Wenig e voe embannet ar skridoù kentañ bet sinet gantañ ; diwezhatoc'h, p'edo o studiañ eSkol-veur Roazhon 2, e skrivas evit ar gelaouennig vrezhonekYod-Kerc'h, ma kenlaboure e vreur Erwan ivez.Goude e studioù ez eas da vaketenner evit an embann brezhonek, dre hanterouriezhKuzul ar Brezhoneg ; ouzhpenn bizskrivañ ha pajennaozañ evit an embann brezhonek e tifazie ar skridoù alies. Kement a labour en deveze ma n'en devoe biskoazh amzer da lakaat e vennozhioù war baper.
Kenlabourat a reas evelato gant an ti-embann An Here : evitCholori, ur gelaouenn evit ar vugale, e tresas hag e savas istorioù ; evitTalabao, kazetenn vrezhonek ar grennarded, e savas pennadoù skiantel — gantAlan Dipode e veze maketennet an div gelaouenn gant an dorn betek ma voe graet al labour gant Divi Kervella hag eveziant pajennaozañ.
Evit An Here ivez e troas 19 albomTroioù-kaer Tintin.

E2005 e savas un hentennAssimil nevez da zeskiñ brezhonek, war-lerc'h an hini savet gantFañch Morvannou er bloavezhioù 1970.

• Skridoù, bannoù-treset ha tresadennoù e meur a gazetenn evit ar vugale pe ar grennarded :Wanig ha Wenig,Cholori,Talabao en o zouez.
• Pennadoù evit kelaouennoù :Al Lanv,Yod-Kerc'h hagHor Yezh.
• Ur sell war-dreñv : bloavezhioù 1984da1998, gantCorinne Ar Mero, TES, 1998(ISBN 978-2-9129-0505-5)
• Emblèmes & Symboles des Bretons & des Celtes, Coop Breizh, 2000(ISBN 978-2-8434-6044-9) ; adembannet e 2016(ISBN 978-2-8434-6817-9)
• Geriaoueg luc'hajoù ar brezhoneg, An Alarc'h, 2003(ISBN 978-2-9520-2382-4))
• Geriadur-chakod/Dico de poche, gant Treveur Lezernan ha Marion Gwazhampig, Yoran Embanner, 2006(ISBN 978-2-9148-5521-1)
• Petit guide des noms de lieux bretons, Coop Breizh, 2007(ISBN 978-2-8434-6302-0)
• Guide des drapeaux bretons et celtes, gant Mikael Bodlore-Penlaez, Yoran Embanner, 2008(ISBN 978-2-9165-7912-2)
• Atlas de Bretagne/Atlas Breizh, gant Mikael Bodlore-Penlaez ha Frédéric Le Mouillour, Coop Breizh, 2011(ISBN 978-2-8434-6495-9)
• Atlas des mondes celtiques/Atlas ar bed ketiek, gant Mikael Bodlore-Penlaez hag Erwan Chartier, Coop Breizh, 2014(ISBN 978-2-8434-6693-9)
• Le breton/brezhoneg, Assimil, 2014(ISBN 978-2-7005-0608-2) ; adembannet e 2016(ISBN 978-2-7005-0723-2))
• Légendaire celtique, gant Erwan Seure-Le Bihan, Coop Breizh, 2015(ISBN 978-2-8434-6772-1)

Troidigezhioù

• Breizh – Karregadoù ha maenadoù kaer, Yann Lukas, Joël Rolet & B. Y. Leglatin, An Here, 2001(ISBN 978-2-86843-233-6)
• Astérix hag an distro, René Goscinny & Albert Uderzo — Albert René, 2004(ISBN 978-2-8649-7164-1)
• Ar c'hazh e Breizh, Philippe Geluck & Serge Dehaes — Casterman, 2006(ISBN 978-2-2033-4092-3)
• Nikolazig e brezhoneg, René Goscinny & Jean-Jacques Sempé, IMAV Éditions, 2013(ISBN 978-2-3659-0085-0)

• Un atersadenn e 2007

Porched Breizh – Adkavit pennadoù ha rummadoù Wikipedia a denn da Vreizh.

• Yezhoniourien Breizh
• Saverien hentennoù-deskiñ brezhonek
• Troourien vrezhonek
• Troerien Breizh
• Ganedigezhioù 1957
• Marvioù 2017

• Pajennoù a ra gant liammoù burzhudus ISBN