Düsseldorf (distaget [ˈdʏsəldɔɐf] enalamaneg) eo kêr-bennNordrhein-Westfalen, hag unan eus kêrioù brasAlamagn. Enni ez eus war-dro 585.000 a dud o chom (Mezheven 2008), war-hed 217 km².
Treuzet eo kêr gant ar stêrRoen, ha tro-dro dezhi ez eus torgennoù goloet gant koadoù ha gwiniegi.
Kêr-benn ar c'hiz eo en Alamagn, war dachenn an dilhad prest da wiskañ kentoc'h eget andilhadouriezh.
Kalz embrezgerezhioù bras a zo staliet o sez e Düsseldorf : Henkel (kimiezh), E.ON AG (energiezh),Rheinmetall AG (metalouriezh), Vodafone (pellgehentiñ), LTU (aerhentiñ), ERGO (asurañs), Metro (kenwerzh)...
Meurlarjez Düsseldorf zo unan eus ar re festusañ Alamagn met n'eo ket ken bras ha hini Köln. Mare pouezusañ ar meurlarjez eo lun ar roz (Rosenmontag) gant e dibunadeg vras.
En XIXvet kantved eo anvet an sonaozer romantelRobert Schumann Generalmusikdirektor. Emañ o chom er gêr gant e wreg Clara Wieck, sonaozerez ha pianoourez hec'h-unan, etre 1850 ha 1854. E Düsseldorf eo e sav e simfonienn ziwezhañ, ar sinfonienn nv 3, lesanvet « Roenat ».
