Kada usah manonton sapalihan ganal pidiu; diparlu'akan gasan tugas tatantu kaya mangunggah pidiu, malihat pidiu nang diciri'i (18+), ma'ulahdaptar ulai (playlist), katuju atawa kada katuju pidiu, wan mangirim kumintar
YouTube adalah sabuting situs web babagi pidiu nang di'ulah ulih talu bakas kariawan PayPal wayah Pibuari 2005 yatoChad Hurley,Steve Chen wanJawed Karim[7]. Situs ngini mambada'i pamakai maunggah, manuntun, wan jua babagi pidiu. Parusaha'an ngini bakantur di San Bruno, Califurnia, wan mamakai tiknulugiAdobe Flash Video wan HTML5 gasan manampai'akan bamacam-macam kuntin-kuntin pidiu ulahan pamakai, tamasuk klip pelem, klip telepisi, wan pidiu musik. Salain ngitu ada jua kuntin amatir nang kaya blog pidiu, pidiu orisinal handap, wan pidiu pandidikan. Pamulaannya YouTube lain dikambangakanGoogle, tagal Google mangakusisinya imbah ngitu manggabungakan lawan layanan-layanan Google nang lain.
Kabanyakan kuntin di YouTube diunggah ulih urang, biarpun parusahaan-parusahaan media nang kayaCBS,BBC, Vevo, Hulu wan organisasi lain nang sudah maunggah materialnya ka situs ngini sabagai bagian dari prugram kamitraan YouTube.[8] Pamakai kada badaptar kawa manuntun pidiunya, pamakai terdaptar kawa maunggah pidiu kada terbatas. Pidio nang baisi kuntin opensip cuma kawa ditonton ulih pamakai terdaptar baumur 18 tahun atawa labih. Pas Nupimbir 2006, YouTube, LLC ditukari ulih Google dengan harga US$ 1,65 miliar wan resmi bauperasi sebagai anak parusahaan Google.
