Di mitologiRumawi Kuno, dipinandui saurang dewa bamuha dua. Saikung mahadap ka muka wan saikungnya ka balakang. Gasan mantuakan mana nang muka atawa balakang, ditandai lawan muha nang mahadap ka muka nintu takurihing wan optimis, lamun nang mahadap ka balakang talihat mambari maras wan sadih. Dewa nintu bangaran Janus, nang kawa jua baarti lawang, garbang, garupa atawa lorong masuk.
Itulah kanapa bulan panambayan satiap tahunnya dingarani lawan bulan Januari, Januarius Mensis (latin, bulan Januari) wan bulan naya biasa disambat mabuha dua. Muha nang saikung mahadap ka tahun sabalumnya wan nang lainnya nintu ka tahun nang dihadap.
Dewa Janur dipadahakan bamuha dua, tapi bamuha dua dalam konteks waktu nang kawa dijalankan. Satiap awal tahun kita biasanya baisi resolusi tahun hanyar nang didapatakan matan dualisme masa yaitu bahari lawan masa datang (lawan bapijak matan bahari, kita cagar maraih masa datang) wan maisi waktu nang diantaranta.
