Insiklupidia (bahasa Indonesia: ensiklopedia) adalah karia rapirinsi atawa ringkasan nang manyadia'akan rangkuman inpurmasi matan sabarataan cabang pangatahuan atawa matan bidang tatantu. Insiklupidia tabagi dalam artikal atawa intri nang rancak disusun manurutalfabet wan bahanu ulih katiguri timatik. Artikal insiklupidia tapanjang wan tarinci daripada kamus nang paling banyak sakali jua. Sacara umum, kada kaya intri kamus nang bapukus pada inpurmasi linguistik tantang kata-kata, kaya makna, pangucapan, pamakaian, wan bantuk gramatikal, artikal insiklupidia bapukus pada informasi paktual mangna'i subjik nang disambatakan dalam judul artikal.

Insiklupidia sudah ada salawas kikira 2.000 tahun nang asalnya wan sudah ba'ipulusi matan wayah ngitu sampaibahasa (ditulis dalam basa antarabangsa atawa basa pirnakular), ukuran (babarapa atawa banyak puluma), maksut (prisintasi matan pangatahuan galubal atawa jangkauan pangatahuan tabatas), parsipsi budaya (latar balakang, kakatujuan, kalayakan, kamampuan), wan tiknulogi nang tasadia gasan paruduksi wan distribusi (manuskrip tulisan tangan, halus atawa ganal), parsipsi budaya. Sabagai sumbar inpurmasi taparcaya nang dikumpulakan ulih bubuhan ahli, pirsi citak banyak dihaga di parpustakaan, sakulah, wan institusi pandidikan nang lain. Cungulnya pirsi digital wanopen source diabad ka-20 sudah maluasi jangkauan aksisibilitas, kapangarangan, pambaca, wan bamamacam intri insiklupidia wan manakunakan gagasan tantang insiklupidia wan rilipansi panarapan pada paruduksi dinamis kaya taradisiunal.