जिहाद भाजेहाद अरबी भाषा के शब्द हवे जेकर शाब्दिक अरथ होला कौनों श्रेष्ठ काम खातिर जूझ परल भा संघर्ष कइल। इस्लामी परंपरा में एह अरथ के बिस्तार कई रंग में भइल बा, अपना अंदर के बुराई के खिलाफ संघर्ष, इस्लाम में बिस्वास न करे वाला लोग के धरम परिवर्तन खातिर जोर दिहल, समाज में नैतिक बेहतरी खातिर जूझल, हालाँकि, सभसे कॉमन चलन में एकर अरथ जुद्ध के साथे जुड़ल बा। परंपरावादी इस्लामी कानून में, इस्लाम में बिस्वास न रखे वाला लोग के खिलाफ हथियारबंद लड़ाई आ संघर्ष के अरथ में एह शब्द के इस्तेमाल भइल बा, जबकि आधुनिक इस्लामी बिद्वान लोग जिहाद के, बचाव में कइल जाए वाला (डिफेंसिव) संघर्ष के रूप में देखे ला। सूफी परंपरा में अपना के नैतिक रूप से बेहतर बनावे खातिर कइल कोसिस केबड़ा जेहाद के रूप में मानल गइल बा। फिलहाल, वर्तमान में ई शब्द खास चर्चा के बिसय आतंकवादी समूहन द्वारा इस्तमाल के कारन बा।
