Sepir[1] atawaspir[2] (hurup Arab Gundul: سفير atawa اسفير) atawaotot (hurup Arab Gundul: اوتوت) entu atu jaringan di awak mahluk nyang begerak. Guna utamanya bakal ngebantu nggerakin kita punya anggotaawak. Entu mengrupa'in atu deri sistim gedé deri awak manusia ama héwan. Pas sepir aktip, dia biasanya kontraksi, jadinya rada ketarik, pèndèk, ama rada tebelan.
Sepir lurik atawa sepir rangka ada punya desén nyang èpèktip bakal gerak nyang spontan èn ngebutuin tenaga gedé. Ni sepir cepet capé', sebab adanya penumpukan asem laktat di dia punya sèl-sèl. Pegerakan sepir lurik asalnya deri sinyal gerak nyang asalnya deri otak èn sipatnya sadar (bukan rèplèk). Ni otot ada ampir di mana-mana bagèan awak luar manusia èn héwan.
Sepir polos gawénya paké pengaturan deri sistim sarap nyang kaga' sadar atawa sarap otonom. Sepir polos dibentuk ama sèl-sèl sepir nyang kebentuk deri gelendong nyang ujungnya dua-duanya najem, serènta ada punya atu inti tunggal. Adapun sepir polos kena ditemuin di:
Sistim penyernaan – nglingkup mah (lambung), ucus, ama iso. Ni dia caranya makanan di dalem kita èn kita ngambil tenaga derinya.
Pembulu dara – otot polos ngeja pembulu dara nglèbar atawa nyempit. Ni – nyang ngontrolir tekenan dara.
Rambut – otot polos difolikel rambut nyang ngeja tu rambut gaceng kalo lagi takut atawa kedinginan.
Sepir otot gawénya bakal ngompa dara di jantung. Ni sepir sanggup kontraksi pepes[3] sonder mandeg. Pegerakannya kaga' disawabin ama sinyal sarap sintrem. Sepir jantung kena disawabin ama interaksi sarapsimpatetik atawaparasimpatetik nyang ngeja lèlèt atawa ngeja cepet kedut jantung, cuman kaga' bisa ngontrolin secara sadar.
Piil sepir bisa dikelompokin jadisadar amakaga' sadar.
