Kuarga (hurup Arab Gundul: کوارݢا) atawakulawarga (hurup Arab Gundul: کولاوارݢا) atawapamili (hurup Arab Gundul: فميلى) atawapermili (hurup Arab Gundul: فرميلى) atawakacok (hurup Arab Gundul: کاچوق) atawacaca[1] (hurup Arab Gundul: چاچ) ya'entu satuan paling kecilan deri masarakat. Kuarga entu isinya ada baba, ema', ama anak. Enni anak dibagi lagi jadi berapa tingkatan ngelongok ke lebih tua atawa lebih mudanya entu anak. Anak juga dipanggil begantung ama lanang atawa wadonnya.
Sebenernya, nama-nama pernahan[2] dibasa Betawi ragem-ragem begantung ama daèrahnya. Cuman biasanya, anak lanang nyang tuaan dipanggil sebagéabang, aa', mas, atawakoko. Kalo nyang wadon, nyang tuaan dipanggilmpo', tétéh, mba', atawacici. Adapun kalo nyang mudaan maolanang maowadon sama aja panggilannya, ya'entuadè' atawadèdè'. Terusannya, masih bisa juga ditambahin lagi ama orang tua baba ama ema' ya'entuengkong amanènè. Enni juga kadang-kadang panggilannya béda-béda, ada nyang panggilnyaengkong–nènè, ada nyangengkong–popo, ada juga nyang panggilnyakai tua–ema' tua. Enni ngikut ama sistim panggilan pernahan kuarga nyang ada dimasarakat.
