Honggari (hurup Arab Gundul: هڠݢارى) atawaHonggeré (hurup Arab Gundul: هڠݢرى; Honggari:Magyarország, lèterlek: Negeri Honggari) atawaKiblik[1]Honggari (hurup Arab Gundul: کبليک هڠݢارى; Honggari:Magyar Köztársaság) entu atu negara nyang letaknya di wilayahÈropa Tenga punya belah kidul-wètan, watesan ama Semenanjung Balkan. Dia punya hopstad[2] namaBudapès. Honggari, kalo dibandingin ama dia punya jiran di bekulonnya,Ostenrèk, ni negara – masupnya mah rada gedéan èn penduduknya ada sekitar 10 jutaan. Laèn-laèn negara nyang watesan ama Honggari antara laèn:Slowaki,Ukrain,Ruméni,Sèrwi,Kroasi, ènSlowéni. Honggari punya basa resmi entubasa Honggari. Ni negara udah jadi anggotaUni Èropa (UÈ) sempragan tahon 2004. Adapun ni negara punya nama asli dicomot deri nama suku Majar nyang dateng di Honggari selamanya akir abad ke-9 M.
Adapun orang Honggari digero'nyaorang Honggar (hurup Arab Gundul: اورڠ هڠݢار).
