Cerita pendek, atawa nyang biasa orang-orang bilang cerpen, entu salah satu macem prosa isinye cerita boongan,bukan kejadian beneran. Dari namenye juge, cerpen emang condongnye lebih singket, padet, ame langsung ke maksudnye, kagak kayak karangan fiksi lain nyang panjang-panjang, kek novelet ape lagi novel. Isi cerpen mah palingan kagak nyampe 10.000 kata, atau kurang dari 10 halaman kuarto. Kalo nulis cerpen, biasanye orang make gaya bahasa naratif.
Cerita pendek mah biasanye kagak punya alur yang ruwet-ruwet amat. Kejadian, alur, ame tempat ceritanye juga palingan cuma satu doang. Cerpen juge tokohnye dikit, ame waktu ceritenye singket. Kalo pun ade bagian cerite yang rada panjeang, biasanya isinye cuma unsur-unsur penting aje, dibumbuin suasana dramatis, trus ade pembuka yang ngejelasin tempat, keadaan, ame sape tokoh utamanye. Abis itu, di dalem cerite biasanye ade kejadian yang bikin para tokohnye pada berantem pendapat, sampe aksi makin naek dan muncul momen yang penting. Ujung cerite pendek itu biasanya buat nyelesain masalah-masalah yang muncul di dalem cerite, sambil nyampein pesan moralnye.[1]
Cerpen jaman sekarang mah alurnye dikit aje, kagak banyak pembuka ape perlawanan antartokohnye. Awal ceritenye juga sering langsung nongol dari aksi yang mendadak. Alurnye punya klimaks, titik balik gitu, trus cerpennye biasanya abisnye juga mendadak. Pesan moral di akhir cerpen mah kadang ade, kadang kagak ketebak.[1]
Tema di dalam cerpen biasanye lebih kentara, soalnya kejadian-kejadian yang dipilih itu sengaja ditonjolin, jadi kayak mozaik yang ngejelasin satu pesan yang lebih dalem. Jumlah kata dalam cerpen biasanya antara delapan ratus sampe dua ribu tiga ratus kata. Kalo ditulis di kertas A4, cerpennye jadi kurang lebih empat sampe tujuh halaman, spasi satu setengah.
- ↑abAhyar, Juni (2019). Apa Itu Sastra: Jenis-Jenis Karya Sastra dan Bagaimanakah Cara Menulis dan Mengapresiasi Sastra (PDF).
