Kerajaan Butan
འབྲུག་རྒྱལ་ཁབ (Butan)
Druk Gyal Khap |
|
 |
| Ibu negeri | Timpu |
| Nama pengendek | Butan |
Butan (hurup Arab Gundul: بوتن; Butan: འབྲུག་ཡུལ་Druk Yul [ʈuk̚˩.yː˩]) atawa resminyaKerajaan Butan (hurup Arab Gundul: كراجأن بوتن; Butan: འབྲུག་རྒྱལ་ཁབ་Druk Gyal Khap) entu atu negara kecempèt nyang kecil di Pegunungan Himalaya di Asia Kidul. Ni negara diperènta ama Raja Jigme Khesar Namgyel Wangchuck, nyang udah jadi raja semprakan tahon 2006. Butan didiriin tahon 1644 ama Shabdrung Ngawang Namgyel. Orang Butan bangga banget negaranya merdéka terus, kaga' perna dijajah. Butan punya hopstad[1] –Timpu. Basa resminya –basa Butan.
Ada 700.000-an orang nyang tinggal Butan. Orang ama guwernemèn Butan bangga bangat budayanya berales ama ajaran Buda Tibèt. 97% orang Butan agamanyaBuda.
Ampé tahon 1974, Buta nutup diri deri dunia luar. Cuman, sekarang orang mah pada bisa nyaba ke ni negara, cuman dikit doang. Lapangan terbang atu-atunya ada di Kedemangan[2] Paro. Ni negara watesan di kidulnya amaHindi èn di lornya amaTiongkok. Negara bagèan Hindi Sikim misahin Butan ama Népal. Butan punya èkspor nyang paling utama ya'entu lèstrik aèr (hydroelectricity) nyang dijual ke Hindi. Butan punya èkonomi kecit, cuman nanjak lekas. Mata uangnya –Ngultrum, nyang diajegin amarupiah Hindi.
Butan entu atu-atunya negara nyang nètral karbon, malah mines karbonnya di antéro dunia.
- ↑Hopstat atawahopstad (hurup Arab Gundul: هوفستت atawa هوفستاد) –ibukota (Indo.);capital (Ing.);hoofdstad (Wld.).
- ↑Kedemangan (hurup Arab Gundul: کدمڠن) –distrik (Indo.);district (Ing.).
.svg)