Android (па-беларуску:Андро́ід) —апэрацыйная сыстэма, пабудаваная на ядрыLinux. Першапачаткова была разробленая кампаніяй Android Inc., але пазьней купленаяGoogle Inc. Сыстэма дазваляе распрацоўшчыкам рабіць праграмы, напісаныя наJava, кіруючы прыладай-гостэрам праз адмысловыя ўбудаваныя бібліятэкі.[1]. З 2017 году «Андроід 7» займеў перадусталяваны беларускамоўны інтэрфэйс.
З 2012 году існаваў саматужны пераклад інтэрфэйса на беларускую[3]. Да красавіка 2014 году беларускі пераклад інтэрфэйсу, які пачаў праграмістАлесь Булойчык, загрузілі звыш 1000 чалавек. Для яго ўсталёўкі патрабаваліся правы рут-карыстальніка[4]. З 2017 году «Андроід 7» займеў перадусталяваны беларускамоўны інтэрфэйс.
У ліпені 2005 годуGoogle набыла невялікі стартап Android, Inc., разьмешчаны ўПала-Альта, Каліфорнія (ЗША)[5] Сузаснавальнікі Android перайшлі на працу ў Google, сярод іх быліЭндзі Рубін (сузаснавальнікDanger)[6] іРыч Майнэр (сузаснавальнік Wildfire Communications, Inc.)[7]. У той час было вядома няшмат пра распрацоўкі Android, Inc., акрамя таго, што гэта было праграмнае забесьпячэньне для мабільных тэлефонаў.[5] Гэта стала падставай для зьяўленьня чутак пра жаданьне Google заняць месца на рынкумабільных тэлефонаў.
21 кастрычніка 2008 году Android быў ліцэнзаваны вольнай ліцэнзіяй ПЗ з адкрытым крынічным кодам. Google выклала ў сьвет усе крынічныя коды (у тым ліку сеткавы стэк і стэк тэлефаніі)[11] пад ліцэнзіяйApache License.[12]
Згодна ліцэнзіі Апачы вытворцы мабільных тэлефонаў могуць дадаваць прапрыетарныя бібліятэкі і дастасаваньні, не аддаючы іх супольнасьці.
У лістападзе 2017 году нью-ёрскі бізнэс-сайт «Кварц» паведаміў, што перадусталяваная праграма «Сэрвісы Гугл Плэй» у фонавым рэжыме перасылала ў «Гугл» зьвесткі пра базавыя станцыі, якія выкарыстоўваліся для сотавай сувязі. У адказ «Гугл» патлумачыў, што цягам 11 месяцаў зьбіраў адрасы тых сотавых станцыяў, каб паскорыць дастаўку паведамленьняў. Прадстаўнікі «Гугла» цьвердзілі, што месцавызначэньне сотавых станцыяў аўтаматычна выдалялася, бо не сынхранізавалася на сэрвэры. Таксама ў «Гугле» паабяцалі скасаваць перасылку месцавызначэньня пры наступным абнаўленьні АС «Андроід»[14].
