Гіпі (адангельскагаhippy абоhippie; ад размоўныхhip абоhep — «модны, стыльны»; паводле Оксфардзкага слоўніка ангельскай мовы, паходжаньне hip невядома) — моладзевая філязофія й субкультура, папулярная ўЗША ў 1960-х і 1970-х гадох, якая выказвала пратэст супраць агульнапрынятае маралі й імкненьне вярнуцца да прыроднае чысьціні праз прапаганду вольнага каханьня й пацыфізму (галоўны іх пратэст быў накіраваны супрацьВіетнамскае вайны). Самы вядомы лёзунг гіпі: «Make love, not war!», што значыць «Займайцеся каханьнем, а не вайной!».
