Gikan sa Bikol Sentral na Wikipedia, an talingkas na ensiklopedya
Mga hayop sa pamilyang SciuridaeSarong squirrel sa Atlanta, Estados Unidos
An mgasquirrel miyembro kan pamilyang Sciuridae (/sɪˈjuːrɪdeɪ, -diː/), sarong pamilya na kabali an saradit o katamtaman an kadakulaan na mga rodent. An pamilya nin mga squirrel kabali an mga tree squirrel, mga ground squirrel (kaiba an mga chipmunk asin prairie dog, kaiba an iba pa), asin mga flying squirrel. An mga squirrel mga katutubo sa Amerika, Eurasia, asin Aprika, asin pig-introdusir kan mga tawo sa Australia.[1] An pinakaenot na midbid na mga fossilized squirrel nagpoon kan Eocene epoch, asin sa iba pang mga pamilya nin buhay na rodent, an mga squirrel pinakaharaning relasyon sa mountain beaver asin dormice.[2]
An mga Squirrel heneralmente saradit sanang mga hayop poon sa African pygmy squirrel na an tamanyo 7–10 sentimetro (2.8–3.9 pye) sa laba asin nagtitimbang sanang 10 gramo (0.35 onsa), abot sa Laotian giant flying squirrel sa 1.08 metro (3 pye 7 pul) sa laba asin an Alpine marmot, na may pisadang 5 abot 8 kg (11 to 18 libra). An mga squirrel tipikal na may hiyos sanang kahawakan asin mabarahibong ikog. Parati an mga mata burulakog. An saindang mga barahibo malomhok asin mala-seda sa kapot, totoo igwa man mga species na mahibog asin medyo turangkig an buhok sa ikog. An kolor kan mga squirrel oro-iriba asin maski sa sarong species dai nagkakaaragidan an kolor kaini.
Parati an mga kalamias kaini sa hurihan mas haro-halaba kisa kan sa enotan na mga takyag, asin ta igwa nin apat o limang moro' an lambang kamoy. An mga tindarakol medyo daing gayo nagtalubo asin ta an mga dapan kaini may hapin na malomhok. Bakong siring kan ibang mammal, an squirrel, nakakahilig sa mga kahoy asin sanga na enot an payo. Nagigibo ninda ini huli ta an buko-buko sa tuhod kaini napapaitok ninda nin 180 degree kaya an mga kamoy pabaliktad asin nakakatakma sa mga ubak kan kahoy.
An mga squirrel nabubuhay sa haros gabos na habitat poon sa tropikal na kadlagan abot sa panggang na desyerto, naglilikay sana sa mga sobrang lipot na mga rona' asin sa sobrang pakdot na mga disyerto. An mga hayop na ini kadaklan mga parakakan mga tinanom, asin ta paborito an mga pisog asin mga lagting pero may iba man na nakakan mga saradit na insekto asin saradiyot na vertebrate.
.jpg)
