SiMian Muhammad Nawaz Sharif (Urdu/Punjabi: میاں محمد نواز شریف, namundag 25 Desyembre 1949) sarong Pakistaning Politiko asin negosyante. Siya nagsirbeng ika-13ng Primer Ministro kan Pakistan poon 1990 sundo 1993, dangan poon 1997 abot 1999 asin liwat poon 2013 hanggan 2017. Dati siya nagsirbeng poon na Ministro kan Punjab kan taon 1985 abot 1990. Siya an pinaka haloy na nagserbi bilang Primer Ministro kan Pakistan, siya nagserbi sa kagabusan nin lampas siyam na taon sa tolong panunungkulan niya. Kada termino, gabos ito nauli sa pagkakatanggal saiya.[1]
Alagad, kan 28 Hulyo 2017, si Sharif pigbawalan nang magkapot nin katongdan sa gobyerno kan Korte Suprema ninPakistan sa laog nin sampolong taon. Si Sharif pigsumiter niya an pagdedemitir sa pwesto kan magluwas an desisyon kan Korte Suprema. An siring na desisyon bunga kan mga kasong korupsyon isina'ngat kontra saiya. An nagsabrit kan kasong ini niya iyo si pagbuyagyag sa internet kan inapod na Panama papers kan taon 2016 kun saen iwina'wa' an lista kan mga tagong yaman na pigrirong kan mga politiko asin mga prominenteng opisyal ngane dai maaraman kun ini ilegal naademohan asin ngarig an mga ini makaligtas sa pagbubuhis. An siring na mga yaman nakadeposito sa mga offshore account asin dai pigdeklarang pagrorogaring na mga asset sa saindang mga nasyon.[2]
- ↑[1]www.bbc.com. Kinua 07-29-17
- ↑[2] edition.cnn.com. Kinua 07-29-17
Sarongtamboan an artikulong ini. Makakatabang ka sa Wikipedia sapagpoon kaining pahina.
