Gikan sa Bikol Sentral na Wikipedia, an talingkas na ensiklopedya
Selebrasyon nin kaaldawan kan sarong pamilya sa Syudad nin Naga
Ankaaldawan,kompleanyo, obertdey (Ingles:birthday) iyo an aldaw kan anibersaryo nin kapangakian o kamundagan kan sarongtawo. Pinaggigibo an sarong kaaldawan sa paagi kan pagselebrar na kabali an sarong tiripon pang-kaaldawan o party.
An Pasko nin Pagkamundag niHesukristo pinagseselebrar an kamundagan niya kan mga Katoliko lambangDesyembre 25. Dakol na mga relihiyon an nagseselebrar kan kamundagan kan saindang kagtugdas na igwang espesyal na aldaw (siring kan Pasko, Mawlid, Kaaldawan ni Buddha asin Krishna Janmashtami).
Igwa nin pagkakaiba an kaaldawan asin kamundagan: an nainot, maliban sa Pebrero 29, nangyayari lambang taon (hal. Enero 15), mantang an huri iyo an kompletong petsa kun suarin namundag an sarong tao (hal. Enero 15, 2001).
