Si Jacqueline Lee Kennedy Onassis ( née Bouvier /ˈ b uː v i eɪ / Hulyo 28, 1929 – Mayo 19, 1994) sarong Amerikanong parasurat, editor nin libro, asin sosyalita na nagsirbe bilang primera dama kan Estados Unidos poon 1961 sagkod 1963 bilang agom ni PresidenteJohn F. Kennedy. Siya sarong popular na primera dama kun saen pig alay niya an saiyang sadiri sa publiko kan Amerika sa saiyang debosyon sa saiyang pamilya, dedikasyon sa pagpreserbar kan kasaysayan kan White House. An mga kampanya saiyang pinangenotan tanganing mapreserbar asin maibalik an mga makasaysayan na palatandaan asin arkitektura kaiba an saiyang interes sa kasaysayan, kultura, asin arte kan Amerika. Durante kan saiyang buhay, siya pighihiling bilang sarong internasyonal na icon huli sa saiyang mga pambihirang pagpili nin moda, asin an saiyang trabaho bilang sarong embahador kultural kan Estados Unidos an nagin dahelan kan saiyang pagiging popular sa bilog na kinaban.[1]
