Amy Austria-Ventura (namundag kan Disyembre 13, 1961, sa ngaran naEsmeralda Dizon Tuazon) sarong tagaresibe kan FAMAS asin Gawad Urian Award naFilipinong aktres sa television asin pelikula.

Pinagbidahan ni Austria an 70 na pelikula puon kan 1976 sa Pilipinas. An saro sa memorable niyang pagganap iyo anBrutal kan 1980, sarong masusupgon asin inosenteng estudyante sa kolehiyo, si Monica, na itinulod kan saiyang amiga (Gina Alajar), sa sarong maribok na pag-agom sa sarong tagatulod kan drugs na si Tato (Jay Ilagan). Sa direksiyon ni Marilou Abaya, an pelikulang ini an nagtaong duwang tropeo sa pagiging best actress ki Amy Austria - an MMFF asin FAMAS.

Saro pang memorableng pagganap nagluwas kan 1988 kaiba si Carlos Caparas bilang si Celestina "Bubbles" Sanchez sa Ativan Gang. Siya ginawadan nin mga tropeo bilang primerang bida hali sa MMFF, Catholic Mass Media Awards (CMMA) asin hali man sa Film Academy Philippines (FAP), na ngunyan inaapod na Luna Awards.

An iba pang mga importanteng pagganap iyo anAtsay kan 1978, sa direksiyon niEddie Garcia;Jaguar kan 1979, sa direksiyon niLino Brocka; asin anHinugot sa Langit kan 1985, sa direksiyon kan Artista Nasyonal na siIshmael Bernal.

Kan 1982 nagbida siya sa obra niLamberto Avellana naWaywaya, kaiba siAce Vergel asinBeth Bautista. Kan 2011,Minsan Lang Kita Iibigin an nagtaong dalan sa pagbabalik niya sa pagarte sa paagi kan telebisyon.

Si Esmeralda Tuazon an panduwa sa matua sa anum na aki, namundag kan 1961 sa sarong pobreng pamilya. Tinabangan niya an saiyang pamilya sa paagi kan pagbibenta nin chewing gum. Nag-adal siya sa Rajah Soliman High School. Pinabisto siya sa prodyuser na si Baby Martinez kan MBM Productions, kan saro sa mga amiga niya. Isinali man siya sa mga tauhan kan pelikulangBitayin Si Baby Ama (1976), an pelikula na nagpasikat kayRudy Fernandez. Pagkatapos kan saiyang panduwng pelikula naAlas (1976), kaiba si Jun Aristorenas, tinawan siya nin mga saradit na papel sa iba pang pelikula, asin siya nawara sa pelikula sa laog kan halos sarong taon. Sa saiyang pagbalik sa kabangaan kan 1977, saro na siya sa kontratadong aktres kan Jesse Ejercito's Seven Star Productions. Nahiling man siya sa mga pelikula kan 1970, na may titulongDabiana (1977), Miss Dulce Amor,Ina (1978),Atsay (1978), Menor de edad (1979),Gabun: Ama Mo, Ama Ko (1979),Bedspacers (1979) andSwing It, Baby (1979). Pagkatapos kan duwang taon na pagpepelikula kan 1979 saAliw ni Ishmael Bernal asin Jaguar niLino Brocka, si Austria nagin primerang bida saNang Bumuka Ang Sampaguita (1980). Sa mga panahong idto, na an parte kan babayi sa cinemang Filipino makukusog asin rebolusyonaryo, si Austria nagin sibot na aktres:Langis at Tubig (1980),Sugat sa ugat (1980),Goriong Butete (1980),Tondo Girl (1981),Pusong Uhaw (1982) and Waywaya (1982). Kan 1990 hanggan sa paglaog kan 21-siglo, si Austria nagtatao pa nanggad ni makukusog na pagganap, saThe Flor Contemplacion Story (1995),Muro-ami (1999),Pagdating ng Panahon (2001),I Will Always Love You (2006).

Kan 2000, si Austria nagbalik sa pag-aarte sa telebisyon. Nagin parte siya kan sikat na International Primetime dramaPangako Sa 'Yo puon 2000 hanggan 2002 saABS-CBN bilang si Lourdes. Kan 2003, nagbida man siya sa mga serye kanGMA Network arog kan Kirara Anong Kulay Nang Pag Ibig?, an seryeng pantasya sa TV naMulawin kan 2004-2005 asin sa adaptasyon kani sa pelikula na nagserbe man Grand Finale kan serye an pinahiling sa 2005'sMetro Manila Film Festival. Nagluwas man siya sa saro pang programa saGMA Network naNarito Ang Puso Ko.

Kan 2006, nagbalik siya sa ABS-CBN para sa drama serye kaning[./https://en.wikipedia.org/wiki/Bituing_Walang_Ningning Bituing Walang Ningning] na ginibo ni Nerissa Cabral. Pigganapan niya an papel ni Barbara Arguelles, an ina kan kontrabida na si Lavina Arguelles. Inako ulit si Austria para pa sa sarong pagganap sa Primetime Drama na[./https://en.wikipedia.org/wiki/Walang_Kapalit Walang Kapalit] bilang tagasuportang aktres kan 2008-2010.

Kan 2011, inako niya an papel sa pagganap sa military primetime drama naMinsan Lang Kita Iibigin, na ipinadalan puon Marso 7, 2011 hanggan Agosto 19, 2011. Kinua niya an papel sa tabang kan saiyang pinsan na si Lorna Tolentino asin nakaibanan niya ulit an iba pang mga beteranong aktor asin aktres na sina Boots Anson Roa, Ronaldo Valdez, Tonton Gutierrez, asin John Estrada, inot niya man na makaibahan igdi sina Coco Martin, Maja Salvador asin Andi Eigenmann.

Sa ngunyan, siya parte kan serye sa telebisyon na Halik bilang ina kan karakter niJericho Rosales.

• Amy Austria saIMDb

• No local image but image on Wikidata
• Telebisyon
• Mga artista gikan sa Filipinas
• Artista nin Pelikula
• Aktres
• Mga aktres gikan sa Filipinas

• Articles with hCards