Parheheon ni Jesus adong disurat diBibel Perjanjian Baru na adong di buku Injil Matius, Injil Markus, Injil Lukas, dohot Injil Johanes. Dung ro angka hadangolan tu Jesus dipamaritaan ni Pontius Latus, diparsilangkon ma Jesus, mate, dungi hehe diari patoluhon, ima nanidok ariPaskah. Pontius Latus, ima gubernur ni Judea tingki i.[1]
Parheheon ni Jesus dihaporseai halakKristen imakebangkitan Yesus Kristus, marningot tu pardalanan ngolu ni Jesus dung mate harani diparsilangkon, hehe ma di ari patoluhon, somalna didok ariPaskah.[2] Halak Kristen porsaya dohot manjagit peristiwa on gabe posuk ni sude haperseaan ni Kristen. Bope songoni, tong adong halak Kristen liberal dang marhaporeai tu parheheon ni Jesus, dang porsayaan halahi dipaheheon ni pamatang.[3] Alai, somalna halak Kristen porsaya di ari parheheon ni Jesus gabe peristiwa na botul adong.[4]
Jesaya 53:10: "Ia dung dilehon hosana bahen pelean pardengganan, idaonna ma boni jala paganjangonna ariarina, jala manjadi ma lomo ni roha ni Jahowa marhitehite tanganna"
Hata Indonesia: "Apabila ia menyerahkan dirinya sebagai korban penebus salah, ia akan melihat keturunannya, umurnya akan lanjut, dan kehendak TUHAN akan terlaksana olehnya."
Hatuaon:Hehe ma Jesus sian hamatean, jala dang mate Ibana saleleng nil lelengna"
Dihangoluan ni Jesus, adong hira 5 hali dipaboa molo Hehe ma Ia dung mate. (Tarsurat ma di Injil Mateus 12:40; Mateus 16:21; Mateus 17:9; Mateus 17:23; Mateus 26:32).
Angka pinatua ni Jahudi mangingot molo Jesus hea mandok “Na hehe ma Ahu di ari patoluhon!”, alani i, dihamatean ni Jesus, dung dikubur, dipangido halaki do tu Pontius Latus, gubernur ni Judea, asa adong majago kuburan ni Jesus sahat tolu ari lelengna.[5]
